वृत्तसंस्था

नवी दिल्ली : TMC पश्चिम बंगाल निवडणुकीवरून तृणमूल काँग्रेस (TMC) आणि निवडणूक आयोग आमनेसामने आले आहेत. खासदार डेरेक ओ’ब्रायन यांच्या नेतृत्वाखालील TMC चे शिष्टमंडळ बुधवारी सकाळी दिल्लीत निवडणूक आयोगाला भेटण्यासाठी पोहोचले.TMC

डेरेक म्हणाले की, आम्ही SIR च्या मुद्द्यावर वेळ मागितला होता, पण बैठकीदरम्यान आमच्याशी गैरवर्तन करण्यात आले. मुख्य निवडणूक आयुक्तांनी (CEC) आम्हाला फक्त 5 मिनिटांत हाकलून दिले. डेरेक ओ’ब्रायन यांनी पत्रकार परिषदेत सांगितले की, बैठक सकाळी 10:02 वाजता सुरू झाली आणि 10:07 वाजता संपली.TMC

• महाराष्ट्राला मिळणार स्वतंत्र AI विभाग; फडणवीस सरकार स्थापन करणार नवे आयुक्तालय!!

निवडणूक आयोगाच्या सूत्रांचे म्हणणे आहे की, डेरेक ओ’ब्रायन यांनी CEC ला बोलण्यापासून रोखले आणि धमकी दिली. ते काहीही ऐकून घेत नव्हते. दुसरीकडे, विरोधी आघाडी ‘INDIA’ गटाने आज संध्याकाळी 4.45 वाजता या मुद्द्यावर पत्रकार परिषद जाहीर केली आहे.

निवडणूक आयोगाने म्हटले – बंगालमध्ये यावेळी निवडणुका भयमुक्त होतील

टीएमसीसोबतची बैठक संपल्यानंतर निवडणूक आयोगाने सकाळी 10:20 वाजता सोशल मीडिया X वर एक पोस्ट केली. त्यांनी लिहिले- निवडणूक आयोगाचा टीएमसीला स्पष्ट संदेश. बंगालमध्ये यावेळी निवडणुका भयमुक्त आणि हिंसाचारमुक्त होतील.

टीएमसी म्हणाली- निवडणूक आयोगाने बैठकीचा व्हिडिओ जारी करावा

डेरेक ओ’ब्रायन म्हणाले की, जेव्हा त्यांनी अधिकाऱ्यांच्या बदल्या आणि निष्पक्ष निवडणुकांवर प्रश्न विचारला, तेव्हा मुख्य निवडणूक आयुक्तांनी त्यांना तिथून निघून जाण्यास सांगितले. आज जे घडले, ते लाजिरवाणे आहे. मी निवडणूक आयोगाला आव्हान देतो की त्यांनी बैठकीचा व्हिडिओ किंवा ऑडिओ जारी करावा.

निवडणूक आयोगाच्या अधिकाऱ्यांनुसार, मुख्य निवडणूक आयुक्त ज्ञानेश कुमार यांनी डेरेक ओ’ब्रायन यांना बैठकीत शालीनता राखण्यास सांगितले होते. परंतु डेरेक आयोगाच्या परिसरात ओरडू लागले आणि अयोग्य वर्तन करू लागले.

प्रतिनिधीमंडळात डेरेक ओ’ब्रायन यांच्याशिवाय साकेत गोखले, मेनका गुरुस्वामी आणि सागरिका घोष यांचा समावेश होता.

TMC vs Election Commission: Derek O’Brien Claims CEC Told Delegation to “Get Lost”

महत्वाच्या बातम्या

• Navjot Kaur Sidhu : नवजोत सिद्धू यांच्या पत्नीने नवीन पक्ष स्थापन केला; घोषणा करताना पती सोबत नव्हते
• अमेरिका – इराण युद्धात म्हणे, मोदी “टेलिफोन ऑपरेटर”; तर मग जे. डी. व्हान्स आणि वांग यी कोण??
• Sabarimala : सुप्रीम कोर्टात केंद्राने म्हटले- शबरीमाला मंदिरात महिलांना प्रवेश देण्याचा निर्णय चुकीचा
• राहुल गांधी बारामतीच्या पोटनिवडणुकीसाठी प्रचारात??; तर प्रकाश आंबेडकर सुद्धा येणार!!