वृत्तसंस्था

भुवनेश्वर : Odisha ओडिशा विधानसभेने बुधवारी ओडिशा शॉप्स अँड कॉमर्शियल एस्टॅब्लिशमेंट्स बिल 2025 मंजूर केले. आता महिला कर्मचारी अशा दुकानांमध्ये आणि व्यावसायिक आस्थापनांमध्ये रात्रीच्या शिफ्टमध्ये काम करू शकतील. नवीन बिलात सरकारने कामाचे तास 9 वरून 10 तास केले आहेत.Odisha

राज्याचे कामगार मंत्री गणेश राम सिंहखुंटिया म्हणाले की, हे बदल छोट्या व्यवसायांसाठी फायदेशीर ठरतील. बिल मंजूर होत असताना BJD आणि काँग्रेसने विरोध करत सभागृहातून सभात्याग केला.Odisha

नवीन बिल लागू झाल्यानंतर हे बदल होतील

ओडिशा दुकाने आणि व्यावसायिक आस्थापना विधेयक 2025 मध्ये रोजच्या कामाची वेळ वाढवून 10 तास करण्यात आली आहे, परंतु आठवड्यातील कामाचे तास 48 तास ठेवण्यात आले आहेत.Odisha

• CM Fadnavis : वृक्षतोड व्हावी असे कुणाचेही मत नाही; पर्यावरण व कुंभमेळा दोन्ही गोष्टी महत्त्वाच्या, मुख्यमंत्र्यांचे प्रतिपादन

तसेच, ओव्हरटाईमची मर्यादाही वाढवण्यात आली आहे. आधी कर्मचारी तीन महिन्यांत 50 तास ओव्हरटाईम करू शकत होते, आता 144 तास करू शकतील. ओव्हरटाईम वेतन नेहमीप्रमाणे सामान्य वेतनाच्या दुप्पट राहील.

महिला रात्रीच्या शिफ्टमध्ये काम करू शकतील. यासाठी त्यांना लेखी संमती द्यावी लागेल. नियोक्ता अशा महिला कर्मचाऱ्यांच्या येण्या-जाण्याची व्यवस्था करेल आणि त्यांना सुरक्षा देईल.

20 पेक्षा कमी कर्मचारी असलेल्या दुकानांना जुन्या कायदेशीर प्रक्रियेतून सूट देण्यात आली आहे. यामुळे लहान दुकानदारांवरील नियमांचा भार कमी होईल.

आधी हे होते नियम

पूर्वी दुकानांमध्ये एका व्यक्तीकडून दररोज 9 तासांपेक्षा जास्त काम करून घेतले जात नव्हते. अतिरिक्त कामाची (ओव्हरटाइम) त्रैमासिक मर्यादा फक्त 50 तास होती. दुकाने आणि व्यावसायिक ठिकाणी महिलांना रात्रीच्या शिफ्टमध्ये कामावर ठेवण्याची परवानगी नव्हती आणि लहान दुकानांनाही 1956 च्या जुन्या कायद्यातील अनेक औपचारिकतांचे पालन करावे लागत होते.

नवीन बिलाने या सर्व नियमांमध्ये बदल करत कामाचे तास, अतिरिक्त काम (ओव्हरटाइम) आणि महिला कर्मचाऱ्यांच्या शिफ्टशी संबंधित निर्बंधांमध्ये बदल केले आहेत.

ओडिशाचे कामगार मंत्री गणेश राम सिंहखुंटिया यांनी सांगितले की, हे सुधार NITI आयोग आणि DPIIT च्या शिफारशींनुसार करण्यात आले आहेत. हे बदल महिलांसाठी रोजगाराच्या संधी वाढवतील. यामुळे दुकाने आणि इतर व्यवसायांची उत्पादकताही वाढेल.

विरोधकांनी निषेधार्थ सभागृहातून सभात्याग केला

बिल सादर होताच काँग्रेस आणि BJD च्या सदस्यांनी विरोध दर्शवला आणि सभागृहातून सभात्याग केला. विरोधकांचा आरोप आहे की, कामाचे तास वाढल्याने कर्मचाऱ्यांवर अतिरिक्त भार पडेल आणि महिलांना रात्रीच्या शिफ्टमध्ये पाठवणे सुरक्षिततेच्या दृष्टीने धोकादायक आहे.

BJD आमदार ध्रुव चरण साहू म्हणाले की, भारत एक “कल्याणकारी राज्य” आहे आणि येथे कर्मचाऱ्यांच्या हिताला प्राधान्य दिले पाहिजे. त्यांनी महिलांच्या सुरक्षेचा मुद्दा उपस्थित करत सांगितले की, गुन्हेगारीच्या घटना वाढत आहेत आणि रात्रीच्या शिफ्टमध्ये त्यांच्यासाठी धोका अधिक असतो.

काँग्रेस आणि BJD आमदारांनी कोलकाता येथील आरजी कर रुग्णालयात महिला डॉक्टरची रात्रीच्या ड्युटीदरम्यान झालेल्या हत्येचे उदाहरण देत सांगितले की, सुरक्षेकडे दुर्लक्ष करता येणार नाही.

Odisha Women Can Work Night Shifts Shops Bill 2025 Work Hours Photos Videos Report

महत्वाच्या बातम्या

• पुतिन भारतात पोहोचताच पंतप्रधान मोदींनी घेतली गळाभेट; विमानतळाव स्वागत, दोन्ही नेते एकाच गाडीत बसले
• Trump : ट्रम्प यांनी 19 देशांतील लोकांची नागरिकत्व प्रक्रिया थांबवली; ग्रीन कार्डही मिळणार नाही
• India Russia, : भारत-रशिया एकमेकांचे लष्करी तळ वापरू शकतील, संरक्षण कराराला रशियन संसदेची मंजुरी
• पुतिन यांच्या बहुचर्चित दौऱ्यातून भारताची अपेक्षा काय??, मिळणार काय??