वृत्तसंस्था

हैदराबाद : Hyderabad  तेलंगणा सरकार हैदराबादमधील एका मुख्य रस्त्याचे नाव डोनाल्ड ट्रम्प ॲव्हेन्यू ठेवण्याच्या तयारीत आहे. हा रस्ता हैदराबादमधील अमेरिकन दूतावासाशेजारून जातो. मुख्यमंत्री रेवंत रेड्डी यांनी अमेरिकेचे राष्ट्राध्यक्ष डोनाल्ड ट्रम्प यांच्या नावावर रस्त्याचे नवीन नाव निश्चित करण्याचा प्रस्ताव ठेवला आहे. जानेवारीमध्ये होणाऱ्या तेलंगणा रायझिंग ग्लोबल समिटपूर्वी जगाचे लक्ष वेधून घेण्याच्या रणनीतीचा हा एक भाग असल्याचे मानले जात आहे.Hyderabad

अमेरिकेबाहेर पहिल्यांदाच विद्यमान राष्ट्राध्यक्षांच्या नावावर रस्ता

अधिकाऱ्यांच्या मते, अमेरिकेबाहेर कोणत्याही विद्यमान अमेरिकन राष्ट्राध्यक्षांच्या नावावर रस्त्याचे नाव ठेवण्याची ही पहिलीच वेळ आहे. सरकारचा हा उपक्रम केवळ राजकीय नावांपुरता मर्यादित नाही. हैदराबादला ग्लोबल टेक हब म्हणून ओळख मिळवून देणाऱ्या कंपन्यांची नावेही रस्त्यांना दिली जात आहेत. एका मोठ्या रस्त्याचे नाव ‘गुगल स्ट्रीट’ ठेवले जाईल. याशिवाय ‘मायक्रोसॉफ्ट रोड’ आणि ‘विप्रो जंक्शन’ देखील प्रस्तावित आहेत.Hyderabad

• राज्याची आर्थिक परिस्थिती ओढाताणीची पण राज्य कुठेही दिवाळखोरीकडे नाही, मुख्यमंत्र्यांनी केले स्पष्ट

रतन टाटा यांच्या नावावर नवीन ग्रीनफिल्ड रोड

सरकारने 100 मीटर रुंद ग्रीनफिल्ड रेडियल रोड, जो नेहरू बाह्यवळण मार्गावरील रावीरीयाला इंटरचेंजला प्रस्तावित ‘फ्यूचर सिटी’ शी जोडेल, त्याचे नाव पद्मभूषण रतन टाटा यांच्या नावावर ठेवण्याचा निर्णय घेतला आहे. रावीरीयाला इंटरचेंजला यापूर्वीच टाटा इंटरचेंज असे नाव देण्यात आले आहे.

मुख्यमंत्री रेवंत रेड्डी यांचे म्हणणे आहे की, जागतिक प्रभाव असलेल्या नेत्यांच्या आणि मोठ्या कंपन्यांच्या नावावर रस्त्यांना नावे दिल्याने दोन फायदे होतात – हा एक सन्मान आहे आणि लोकांसाठी प्रेरणा देखील आहे. यासोबतच यामुळे हैदराबादची आंतरराष्ट्रीय ओळख अधिक मजबूत होते.

आधी हैदराबादला भाग्यनगर करा: भाजप

तथापि, या निर्णयावरून राजकारणही सुरू झाले आहे. केंद्रीय मंत्री आणि भाजप नेते बंडी संजय कुमार यांनी याला विरोध करत म्हटले की, जर काँग्रेस सरकारला नावे बदलण्याचा इतकाच शौक असेल तर आधी हैदराबादचे नाव भाग्यनगर करावे. त्यांनी X वर लिहिले की, रेवंत रेड्डी जे काही ट्रेंडमध्ये असते, त्याच्या नावावर ठिकाणांची नावे ठेवतात

Hyderabad Road Trump Avenue Google Microsoft Rathan Tata Revanth Reddy Photos Videos Report

महत्वाच्या बातम्या

• ज्येष्ठ सामाजिक कार्यकर्ते डॉ. बाबा आढाव यांचे निधन
• वंदे मातरम वरील चर्चेत नेहरूंवर आघात आणि संघावर प्रतिघात!!
• राज्याची आर्थिक परिस्थिती ओढाताणीची पण राज्य कुठेही दिवाळखोरीकडे नाही, मुख्यमंत्र्यांनी केले स्पष्ट
• निलंबित टीएमसी आमदार हमायून कबीर एआयएमआयएम सोबत आघाडीची घोषणा; बंगाल निवडणुकीत ‘गेम-चेंजर’ ठरणार असल्याचा दावा