वृत्तसंस्था

नवी दिल्ली : US Soybean भारत आणि अमेरिका यांच्यातील करारावर सुरू असलेल्या चर्चेदरम्यानच एक मोठे अपडेट समोर आले आहे. अमेरिकेचे व्यापार प्रतिनिधी जेमिसन ग्रीयर यांचे म्हणणे आहे की, भारताने कृषी क्षेत्राबाबत आतापर्यंतची ‘सर्वोत्तम ऑफर’ दिली आहे.US Soybean

IANS च्या अहवालानुसार, अमेरिकन शेतकऱ्यांना भारताच्या बाजारपेठांमध्ये अधिक प्रवेश मिळावा यासाठी चर्चा सुरू आहे. विशेषतः ज्वारी आणि सोयाबीनसारख्या पिकांसाठी देशांतर्गत बाजारपेठ खुली करण्यावर चर्चा होत आहे.US Soybean

ग्रीयर यांनी सांगितले की, अमेरिकेची चर्चा करणारी टीम सध्या नवी दिल्लीत आहे आणि कृषी संबंधित मुद्द्यांवर चर्चा करत आहे. भारत काही पिकांच्या बाबतीत सावधगिरी बाळगत आहे, परंतु यावेळी भारताने स्वतःहून बाजारपेठ खुली करण्यात स्वारस्य दाखवले आहे.US Soybean

• फडणवीस सावजी सारखे तिखट आणि नागपुरी संत्र्यासारखे गोड; एकनाथ शिंदेंची स्तुतीसुमने

ग्रीयर म्हणाले- भारत अमेरिकन कृषी उत्पादनांसाठी मोठी बाजारपेठ बनू शकतो

ग्रीयर यांच्या मते, भारत, अमेरिकेच्या कृषी उत्पादनांसाठी एक मोठी आणि नवीन बाजारपेठ बनू शकतो, विशेषतः अशा वेळी जेव्हा अमेरिकन शेतकऱ्यांवर चीनची मागणी घटल्याचा परिणाम होत आहे आणि मोठ्या प्रमाणात धान्य साठ्यात पडून आहे.

ग्रीयर यांनी असेही सांगितले की, ही चर्चा त्या बदलाचा भाग आहे ज्यात अमेरिका जगभरात नवीन बाजारपेठांपर्यंत पोहोचण्याचा प्रयत्न करत आहे. त्यांचे म्हणणे आहे की, जगात मिळत असलेल्या या नवीन बाजारपेठा भारतासारख्या मोठ्या देशांशी होणाऱ्या चर्चेला बळ देतात.

भारत-अमेरिका शेतीव्यतिरिक्तही इतर मुद्द्यांवर चर्चा करत आहेत

ग्रीअर म्हणाले की, शेतीव्यतिरिक्त दोन्ही देशांमध्ये काही इतर मुद्द्यांवरही चर्चा सुरू आहे. 1979 च्या विमान करारांतर्गत विमानाच्या सुट्या भागांवर शून्य शुल्क लावण्याबाबतची चर्चा बरीच पुढे सरकली आहे. याचा अर्थ असा की, जर भारताने आपल्या बाजारपेठेत अमेरिकन वस्तूंना कमी करात येऊ दिले, तर अमेरिकाही त्या बदल्यात भारताला तीच सवलत देईल.

सिनेट समितीचे अध्यक्ष जेरी मोरन यांनी यावेळी सांगितले की, भारत अमेरिकेच्या मका आणि सोयाबीनपासून तयार होणाऱ्या इथेनॉलचाही मोठा खरेदीदार बनू शकतो.

ग्रीअर यांनी याबद्दल अधिक माहिती दिली नाही, पण ते म्हणाले की, युरोपियन युनियनसह अनेक देशांनी अमेरिकन इथेनॉल आणि ऊर्जा उत्पादनांसाठी आपल्या बाजारपेठा खुल्या केल्या आहेत आणि येत्या वर्षात सुमारे 750 अब्ज डॉलरच्या खरेदीचे वचन दिले आहे.

अमेरिकेची व्यापार टीम भारत दौऱ्यावर आहे

अमेरिकेच्या व्यापार विभागाचे हे विधान अशा वेळी आले आहे, जेव्हा अमेरिकेची एक उच्चस्तरीय व्यापार टीम भारताच्या दौऱ्यावर आली आहे. हा दौरा खूप महत्त्वाचा मानला जात आहे. या टीमचे नेतृत्व अमेरिकेचे उप-व्यापार प्रतिनिधी रिक स्विट्जर करत आहेत.

आता या दौऱ्याचा उद्देश असा आहे की, दोन्ही देशांनी नवीन द्विपक्षीय व्यापार कराराच्या पहिल्या टप्प्याला अंतिम रूप देण्याचा प्रयत्न करावा. म्हणजेच, भारत-अमेरिका यांच्यात दीर्घकाळापासून चर्चेत असलेला करार पूर्ण करण्याच्या दिशेने पाऊल टाकावे.

गेल्या काही महिन्यांपासून, भारत आणि अमेरिका यांच्यातील व्यापारी संबंधात बरीच कटुता आली आहे. अमेरिकेने भारताच्या उच्च शुल्कामुळे (टॅरिफ) आणि व्यापार तुटीमुळे २५% शुल्क (टॅरिफ) लावले आहे. यामुळे दोन्ही देशांना आयात-निर्यातीत अडचणी आल्या होत्या.

अमेरिकेला वाटते की दोन्ही देशांमधील व्यापार असंतुलित आहे. भारत अमेरिकेला जास्त वस्तू विकतो आणि अमेरिका भारताला तेवढ्या वस्तू विकू शकत नाही. हा फरक कमी करण्यासाठीही हे शुल्क (टॅरिफ) लावण्यात आले आहे.

US Soybean Sale Likely India Market Access Trade Talks Photos Videos Report

महत्वाच्या बातम्या

• Supreme Court : BLOच्या सुरक्षेबाबत सुप्रीम कोर्टाची ECI ला नोटीस; CJI म्हणाले- परिस्थिती हाताळा नाहीतर अराजकता पसरेल
• Amit Shah, : शहा म्हणाले- वंदे मातरमला विरोध काँग्रेसच्या रक्तात; इंदिरा गांधी घोषणा दिल्याबद्दल तुरुंगात पाठवायच्या
• धर्मवीर छत्रपती संभाजी महाराजांच्या बलिदान स्थळाच्या जागतिक दर्जाच्या विकासाला फडणवीस सरकारची मंजुरी
• राहुल गांधींना प्रत्युत्तर देताना अमित शाहांनी लोकसभेत वाचून दाखविली भाजप हरल्याची यादी!!