वृत्तसंस्था
टोकियो : Trump Modi अमेरिकेचे राष्ट्राध्यक्ष डोनाल्ड ट्रम्प बुधवारी म्हणाले की अमेरिका भारतासोबत व्यापार करार करत आहे. तथापि, त्यांनी तपशील दिला नाही. दक्षिण कोरियातील ग्योंगझू येथे झालेल्या आशिया-पॅसिफिक आर्थिक सहकार्य (एपेक) शिखर परिषदेत ट्रम्प यांनी पंतप्रधान नरेंद्र मोदी यांचे उघडपणे कौतुक केले. ते म्हणाले, “तुम्हाला जसे वडील हवे असतात, तसेच मोदी आहेत. ते देखणे आणि खूप कठोरही आहेत.” तथापि, ट्रम्प यांनी भारत-पाक युद्ध थांबवण्यासाठी व्यापाराचा वापर केल्याचा पुनरुच्चार केला. ऑपरेशन सिंदूरदरम्यान ७ विमाने पाडल्याचा दावा त्यांनी केला.Trump Modi
तीन देशांच्या आशियाई दौऱ्यावर असलेले ट्रम्प बुधवारी सकाळी जपानहून दक्षिण कोरियात पोहोचले. त्यांच्या विधानांमध्येही विरोधाभास होता. सेऊलमध्ये त्यांनी म्हटले की, त्यांच्या हस्तक्षेपामुळे दोन दिवसांत भारत-पाक युद्ध थांबले. काही तासांपूर्वी, टोकियोमध्ये त्यांनी म्हटले होते की युद्ध २४ तासांत थांबवले. ट्रम्प यांनी पाकिस्तानी लष्करप्रमुख असीम मुनीर यांचे वर्णन एक महान योद्धा व अद्भुत व्यक्ती म्हणून केले.Trump Modi
भारताची बाजारपेठ मजबूत; भारताइतकीच अमेरिकेलाही करारांची गरज आहे
ट्रम्प सतत हास्यास्पद विधाने करत आहेत. ऑपरेशन सिंदूरबाबत सरकारने संसदेत आपली भूमिका आधीच मांडली आहे. कोणत्याही परकीय देशाला वारंवार स्पष्टीकरण देण्याची गरज नाही. ट्रम्प प्रत्यक्षात व्यापार करारासाठी दबाव आणत आहेत. भारताने या सापळ्यात अडकू नये. भारताने आपल्या अटी स्पष्ट केल्या आहेत. कोणत्याही परिस्थितीत कृषी क्षेत्र अमेरिकेसाठी खुले केले जाणार नाही. ते हे स्वीकारतात की नाही हे ट्रम्प यांनी ठरवायचे आहे. त्यांच्या ५०% करानंतरही गेल्या काही महिन्यांत भारताच्या अर्थव्यवस्थेने बळकटी दाखवली आहे. भारताला अमेरिकेसोबत व्यापार संबंधांची तितकीच गरज आहे जितकी अमेरिकेला आहे. उर्वरित. स्पोर्ट्स
काँग्रेसची टीका – ट्रम्पनी ५६ दावे केले, पीएम चूपच…
काँग्रेस नेते जयराम रमेश यांनी ट्रम्प यांच्या युद्ध थांबवण्याच्या दाव्यांवरून पंतप्रधानांवर टीका केली. ते म्हणाले की, ट्रम्प यांनी ५६ व्या वेळी भारत-पाक संघर्ष थांबवल्याचा दावा केला. तरीही, त्यांची“५६ इंचांची छाती” आकुंचन पावली असून ते गप्प आहेत.
ट्रम्प यांना दक्षिण कोरियाने सर्वोच्च नागरी सन्मान ग्रँड ऑर्डर ऑफ द मुगुंघवा प्रदान केला. मुगुंघवा हे देशाचे राष्ट्रीय फूल आहे.
अशोक सज्जनहार माजी राजदूत कराराच्या जवळ भारत-अमेरिका
सूत्रांनी दिलेल्या माहितीनुसार, भारत-अमेरिका व्यापार करार अंतिम टप्प्यात आला आहे. चर्चेच्या पाच फेऱ्या आधीच झाल्या आहेत. दोन दिवसांपूर्वी परराष्ट्रमंत्री एस. जयशंकर आणि अमेरिकेचे परराष्ट्र मंत्री मार्को रुबियो यांच्यात क्वालालंपूर येथे चर्चा झाली होती. तथापि, अमेरिकेने रशियाच्या तेल खरेदीसाठी भारतावर लादलेला २५% कर उठवण्याचे आश्वासन दिल्याचे कोणतेही संकेत नाहीत.
Trump Modi Ideal Father Tough India Trade Deal
महत्वाच्या बातम्या
- गड-किल्ल्यांवरील नमो पर्यटन सेंटरवरून राज ठाकरे यांचा एकनाथ शिंदेंवर निशाणा
- Israel-Gaza : युद्धबंदीच्या 17 दिवसांनंतर इस्रायलचा गाझावर भीषण हल्ला; 140 नागरिक ठार, हमासला ट्रम्प यांची धमकी
- 17 मुले आणि दोन वृद्धांना ओलीस ठेवणाऱ्या रोहित आर्याचा एन्काऊंटर; त्याला कुणाशी, कशासंदर्भात बोलायचे होते??, प्रश्न अनुत्तरीत!!
- India Satellite : भारतात लवकरच थेट उपग्रहाद्वारे इंटरनेट; मस्क यांची स्टारलिंक 30-31 ऑक्टोबरला मुंबईत डेमो देणार
Post Your Comment