विशेष प्रतिनिधी

नाशिक : नाशिक शहरातील एका प्रसिद्ध बहुराष्ट्रीय कंपनीत इस्लामी जिहाद चालू असल्याचा धक्कादायक प्रकार समोर आला. आर्थिक विवंचनेत असलेल्या आणि नोकरीची गरज असलेल्या तरुण महिलांना लक्ष्य करून त्यांच्यावर केवळ लैंगिक अत्याचारच करण्यात आले नाहीत, तर त्यांच्या धार्मिक भावनांशीही क्रूर खेळ खेळला गेला. त्यांच्यावर धर्मांतरासाठी दबाव टाकण्यात आला. या संपूर्ण प्रकरणाची व्याप्ती आणि गांभीर्य लक्षात घेता प्रशासनाने आता कठोर पावले उचलून सहा आरोपींना अटक केली.Six accused, including Asif Ansari and Shafi Sheikh, arrested.

पीडित महिलांची हतबलता आणि शोषण

या प्रकरणात तक्रार देणाऱ्या महिला या साधारणपणे 18 ते 25 वर्षे वयोगटातील आहेत. यातील बहुतांश महिला या आर्थिकदृष्ट्या गरजू असून नोकरीसाठी या नामांकित कंपनीत रुजू झाल्या होत्या. संशय आहे की, 2022 पासून हा धक्कादायक प्रकार सुरू होता.

कामाच्या ठिकाणी महिलांना सुरक्षित वातावरण देण्याऐवजी तिथे त्यांचे मानसिक आणि शारीरिक शोषण केले जात होते. नमाज पठण करण्यासाठी सक्ती करणे, धर्मांतर करण्यासाठी दबाव टाकणे आणि बीफ खाण्यास भाग पाडणे यांसारखे अघोरी प्रकार या कंपनीत सुरू असल्याची धक्कादायक माहिती समोर आली.

• महाराष्ट्राला मिळणार स्वतंत्र AI विभाग; फडणवीस सरकार स्थापन करणार नवे आयुक्तालय!!

– नऊ गुन्हे दाखल आणि सहा आरोपींना अटक

या प्रकरणात आतापर्यंत नऊ गुन्हे दाखल करण्यात आले असून पोलिसांनी तपासाची चक्रे वेगाने फिरवली. मुंबई नाका पोलीस ठाण्यात धार्मिक भावना दुखावणे, विनयभंग आणि अत्याचाराचे गुन्हे नोंदवण्यात आले, तर देवळाली कॅम्प पोलीस ठाण्यात बलात्काराचा एक गुन्हा दाखल आहे.

या प्रकरणात एकूण सहा आरोपींना आतापर्यंत अटक करण्यात आली आहे. आसिफ अन्सारी, शफी शेख, शाहरुख कुरेशी, रजा मेमन आणि तौसिफ अत्तार अशी अटक केलेल्या आरोपींची नावे असून, यातील एक महिला आरोपी सध्या फरार आहे. न्यायालयाने या आरोपींना 2 दिवसांची पोलीस कोठडी सुनावली आहे.

– तपासासाठी एसआयटीची स्थापना

या प्रकरणाचे गांभीर्य आणि समाजमनावर होणारे परिणाम पाहून पोलीस प्रशासनाने विशेष तपास पथकाची म्हणजेच एसआयटीची (SIT) स्थापना केली आहे. सहायक पोलीस आयुक्त यांच्या नेतृत्वाखाली हा तपास सुरू असून, या रॅकेटमध्ये अजून कोणाचे हात गुंतलेले आहेत का?, याचा शोध घेतला जात आहे.

केवळ महिलाच नाही, तर एका पुरुष कर्मचाऱ्यालाही जबरदस्तीने इस्लाम धर्म स्वीकारायला लावल्याचा प्रकार समोर आल्याने या प्रकरणाला वेगळे वळण मिळाले आहे. पोलीस या सर्व बाबींचा तांत्रिक आणि प्रत्यक्ष पुराव्यांच्या आधारे तपास करत आहेत.

नाशिकमधील या घटनेनंतर शहरातील सर्व खाजगी संस्था आणि कंपन्यांना महिलांच्या सुरक्षेबाबत कडक उपाययोजना करण्याचे निर्देश देण्यात आले आहेत. कामाच्या ठिकाणी महिलांना कोणत्याही प्रकारचा त्रास होऊ नये, यासाठी अंतर्गत तक्रार निवारण समित्या सक्रिय करण्याचे आदेश देण्यात आले आहेत.

तसेच, कोणत्याही पीडित महिलेला तक्रार करायची असल्यास त्यांनी पोलीस आयुक्तांच्या व्हॉट्सॲप क्रमांकावर किंवा 112 या कंट्रोल रूम क्रमांकावर संपर्क साधावा, असे आवाहन करण्यात आले आहे.

अशा संवेदनशील प्रकरणात तक्रार करण्यासाठी अनेकदा महिला पुढे येत नाहीत. हीच बाब लक्षात घेऊन प्रशासनाने तक्रारदाराची ओळख पूर्णपणे गोपनीय ठेवली जाईल, असे स्पष्ट केले आहे. पोलीस आयुक्तांनी स्वतः या प्रकरणात लक्ष घातले असून पीडित महिलांना न्याय मिळवून देण्यासाठी पोलीस कटीबद्ध असल्याचे सांगितले. नाशिकसारख्या शांत शहरात घडलेल्या या प्रकारामुळे उद्योग क्षेत्रातही चिंतेचे वातावरण पसरले आहे.

Six accused, including Asif Ansari and Shafi Sheikh, arrested.

महत्वाच्या बातम्या

• महाराष्ट्राला मिळणार स्वतंत्र AI विभाग; फडणवीस सरकार स्थापन करणार नवे आयुक्तालय!!
• पार्थचे वक्तव्य पडले पवार गटाच्या पथ्यावर; विलीनीकरण फिस्कटल्यावर निघाले लाईन मारायला काँग्रेसवर!!
• महावितरण कंपनीची आर्थिक पुनर्रचना, भांडवली बाजारात सूचीबद्धतेचा फडणवीस सरकारचा निर्णय
• Supreme Court : सर्वोच्च न्यायालयाने पश्चिम बंगालच्या मुख्य सचिवांना फटकारले; तपास NIA कडे