विशेष प्रतिनिधी

नवी दिल्ली : Sunil Tatkare : सत्ताधारी राष्ट्रवादी काँग्रेसचे प्रदेशाध्यक्ष सुनील तटकरे यांनी आपला पक्ष भविष्यातही केंद्रातील सत्ताधारी NDA सोबतच राहणार असल्याचे स्पष्ट केले आहे. उपमुख्यमंत्री सुनेत्रा अजित पवार यांनी आज पंतप्रधान नरेंद्र मोदी व केंद्रीय गृहमंत्री अमित शहा यांची भेट घेतल्यानंतर तटकरेंनी ही भूमिका विषद केली आहे. त्यामुळे राष्ट्रवादीच्या दोन्ही गटांच्या कथित विलीनीकरणाचा मुद्दा तूर्त लोंबकळल्याचा दावा केला जात आहे.Sunil Tatkare

अजित पवार यांचे गत 28 जानेवारी रोजी एका विमान अपघातात निधन झाले. तेव्हापासून राष्ट्रवादी काँग्रेसच्या दोन्ही गटांमध्ये जोरदार हालचाली सुरू झाल्या आहेत. शरद पवार गटाकडून आपली अजित पवारांशी विलीनीकरणाच्या मुद्यावर चर्चा सुरू होती असा दावा केला आहे. पण अजित पवार गटाच्या प्रफुल्ल पटेल व सुनील तटकरेंसारख्या नेत्यांनी हा दावा जोरकसपणे फेटाळून लावला आहे. अजित पवारांनी अशी एखादी चर्चा सुरू असती तर आम्हाला जरूर सांगितली असती, असा त्यांचा युक्तिवाद आहे. या पार्श्वभूमीवर सुनील तटकरे यांनी आज सुनेत्रा पवार यांच्यासोबत पंतप्रधान नरेंद्र मोदी व केंद्रीय गृहमंत्री अमित शहा यांची भेट घेतली.Sunil Tatkare

• CM Devendra Fadnavis : मुख्यमंत्री देवेंद्र फडणवीस म्हणाले- ‘राष्ट्रवादी’चे विलीनीकरण झाले तर बोलणार; हवेत पतंगबाजी का करायची?

आम्ही भविष्यातही एनडीएसोबत राहू

या भेटीनंतर सुनील तटकरे पत्रकारांशी बोलताना उपरोक्त भूमिका विषद केली. ते म्हणाले, विलीनीकरणाच्या मुद्यावर आमच्या पक्षाच्या भूमिकेचा प्रश्नच येत नाही. कारण, आम्ही वारंवार विचारत आहोत की, विलीनीकरण कोणत्या पक्षात करायचे? दुसरी गोष्ट म्हणजे आम्ही सध्या एनडीएमध्ये आहोत. दादा असतानाच मी आमची भूमिका स्पष्ट केली होती. दादांच्या नेतृ्त्वात आम्ही एनडीएसोबत जाण्याचा निर्णय घेतला होता. आमची तीच भूमिका आजही कायम आहे. आम्ही भविष्यातही एनडीएसोबतच राहू.

एनडीएसोबत राहावे हीच अजित पवारांची इच्छा

ते पुढे म्हणाले, एनडीएम्ध्ये येण्यासंबंधीची स्पष्टता कुणीतरी करणे आवश्यक आहे. आता विलीनीकरण किंवा काय होईल हा मुद्दा वेगळा आहे. सुनेत्रा पवारांनी उपमुख्यमंत्रीपदाची जबाबदारी सांभाळली आहे. आता त्याच विधीमंडळ पक्षाच्या नेत्या असाव्यात अशी आमची भूमिका होती. त्यानुसार त्यांनी उपमुख्यमंत्रीपदाची शपथ घेतली. राष्ट्रवादीच्या सर्व बैठकांत अजित पवार आपण एनडीएसोबत जायला हवे अशी भूमिका मांडत होते. 2019 साली 3 पेक्षा दोन पक्षांनी एकत्र आल्यास राज्याचा चांगला विकास होईल असा त्यांचा विचार होता, असेही सुनील तटकरे यावेळी बोलताना म्हणाले.

NCP to Stay with NDA: Sunil Tatkare After Sunetra Pawar Meets Modi-Shah

महत्वाच्या बातम्या

• महाराष्ट्रात सेवाकर्मी प्लस कार्यक्रमात सोलापूर, पुणे, नागपूर, संभाजीनगर मधल्या अधिकारी, कर्मचाऱ्यांचे अव्वल कामगिरी
• शरद पवार गटाचा विलीनीकरणासाठी धडपडाट; पण सुनेत्रा पवारांच्या दिल्ली भेटीनंतरही सुनील तटकरेंची विलीनीकरणाला टांग!!
• Maharashtra Budget : राज्याचे अर्थसंकल्पीय अधिवेशन 23 फेब्रुवारी पासून; कामकाज सल्लागार समितीच्या बैठकीत निर्णय
• सुनेत्रा पवारांच्या दिल्लीत मोठ्या गाठीभेटी; त्याचवेळी रोहित पवारांची पत्रकार परिषद; पवार कुटुंबाची “डबल गेम”!!