वृत्तसंस्था

हैदराबाद : Hyderabad  पोलिसांच्या एका विशेष पथकाने शनिवारी रात्री हैदराबादजवळच्या मोइनाबाद येथील एका फार्म हाऊसवर छापा टाकून एका हाय-प्रोफाइल ड्रग्ज पार्टीचा पर्दाफाश केला आहे. घटनास्थळीच पार्टीत सहभागी असलेल्या 11 लोकांची तपासणी केली.Hyderabad

आंध्र प्रदेशमधील तेलुगु देशम पार्टी (TDP) चे खासदार पुट्टा महेश कुमार आणि बीआरएसचे माजी आमदार पायलट रोहित रेड्डी यांच्यासह 11 जणांना ताब्यात घेण्यात आले. महेश कुमार आणि इतर सात जणांना पोलीस ठाण्यातून जामीन मिळाला.Hyderabad

त्यांना रविवारी संध्याकाळी नोटीस बजावून सोडून देण्यात आले. तर रोहित रेड्डी, नितेश रेड्डी आणि नमित शर्मा यांना अटक करून 14 दिवसांच्या न्यायालयीन कोठडीत पाठवण्यात आले.Hyderabad

• मेट्रो भवनाचे उदघाटन, पुणे मेट्रोच्या नियंत्रण आणि वेगाला नवे केंद्र; प्रवाशांची संख्या अडीच लाख पार!!

प्राथमिक तपासणीत खासदार निगेटिव्ह होते, परंतु रक्त तपासणीनंतर त्यांनीही ड्रग्ज घेतल्याची पुष्टी झाली. त्यांच्याशिवाय इतर 5 लोकांमध्ये ड्रग्जची पुष्टी झाली आहे. झडतीमध्ये 0.26 ग्रॅम कोकेन आणि मोठ्या प्रमाणात दारू जप्त करण्यात आली. ज्या फार्म हाऊसवर पार्टी सुरू होती, ते रोहित रेड्डी यांचेच असल्याचे सांगितले जात आहे.

पोलिसांना पाहून एका व्यक्तीने हवेत गोळीबारही केला

पार्टीमध्ये उपस्थित काही लोकांनी कथितरित्या शस्त्राने गोळीबारही केला. ईगल फोर्सने एनडीपीएस, आर्म्स ॲक्ट आणि तेलंगणा राज्य उत्पादन शुल्क कायद्यांतर्गत गुन्हा दाखल केला. रोहित रेड्डी आणि इतर तिघांना आर्म्स ॲक्टच्या आरोपाखाली ताब्यात घेण्यात आले, तर खासदार आणि इतर सात जणांना नोटीस बजावून सोडून देण्यात आले.

पोलिसांना माहिती मिळाली होती की मोइनाबाद येथील एका फार्महाऊसमध्ये काही लोक ड्रग्जसह पार्टी करत आहेत. यानंतर, ड्रग्ज कायद्याची अंमलबजावणी करण्यासाठी एलिट ॲक्शन ग्रुप (ईगल) च्या पाच सदस्यीय पथकाने रात्री सुमारे 9:30 वाजता फार्महाऊसवर छापा टाकला.

छाप्यादरम्यान पार्टीत सहभागी झालेल्यांमध्ये रिअल इस्टेट व्यावसायिक, व्यापारी आणि काही राजकीय व्यक्ती होते. या पार्टीत एक महिलाही उपस्थित होती. अधिकाऱ्यांचे म्हणणे आहे की, ड्रग्जचा स्रोत आणि या पार्टीत सहभागी असलेल्या इतर लोकांच्या भूमिकेचीही चौकशी केली जात आहे.

टीडीपी खासदाराचे म्हणणे- मी काहीही चुकीचे केले नाही

मोइनाबाद फार्महाऊस ड्रग्ज प्रकरणात स्वतःचा बचाव करताना, टीडीपी खासदार पुट्टा महेश कुमार यांनी एका व्हिडिओ निवेदनात म्हटले आहे की, त्यांनी काहीही चुकीचे केले नाही आणि ते फक्त मित्रांसोबत जेवणासाठी तिथे गेले होते.

ते म्हणाले की, त्यांच्या मित्रांनी त्यांना जेवणासाठी बोलावले होते आणि त्यावेळी त्यांनी कोणतीही बेकायदेशीर कृती केली नाही. खासदार म्हणाले की, ते एलुरुच्या लोकांसाठी जबाबदार आहेत आणि जनता त्यांच्यावर विश्वास ठेवते.

खासदाराला नोटीस, टीडीपीने त्यांच्या हालचालींवर बंदी घातली

खासदार पुट्टा महेश कुमार यांना जामीन मिळाला आहे. ड्रग्ज घेतल्याच्या आरोपांनंतर टीडीपीने पुट्टा महेश कुमार यांना कारणे दाखवा नोटीस बजावली आहे. पक्षाचे आंध्र प्रदेश अध्यक्ष पल्ला श्रीनिवास राव यांनी त्यांना 48 तासांत लेखी उत्तर देण्यास सांगितले आहे आणि तोपर्यंत पक्षाच्या कामांपासून दूर राहण्यास सांगितले आहे. अशा आरोपांमुळे पक्षाच्या सार्वजनिक प्रतिमेला हानी पोहोचू शकते, असे नोटीसमध्ये म्हटले आहे.

Hyderabad Farmhouse Drug Bust: Ex-MLA Rohit Reddy Arrested; TDP MP Released VIDEOS

महत्वाच्या बातम्या

• सौरऊर्जा क्रांतीत महाराष्ट्र अव्वल; पंतप्रधान सूर्य घर योजनेत राज्याची आघाडी; 5 महिन्यांत 1,08,327 घरांवर सौरयंत्रणा!
• विलीनीकरणाच्या विषयाला जयंत पाटलांकडून पुन्हा उकळी; भाजपच्या सत्तेच्या वळचणीला जायची तडफड दिसली!!
• राहुल गांधींचा कांशीरामांच्या राजकीय वारसावर डल्ला; उत्तर प्रदेशातले काँग्रेसचे सगळे‌ Political Icons संपले??
• Vijay Wadettiwar : जनगणनेत ओबीसींचा वेगळा रकाना टाकावा; विजय वडेट्टीवार यांची मागणी