विशेष प्रतिनिधी

पुणे: Sonam Wangchuk स्पर्धा परीक्षा, भरती प्रक्रिया आणि शिक्षण व्यवस्थेतील त्रुटींविरोधात आक्रमक भूमिका घेतलेल्या कॉकरोच जनता पार्टी (CJP) ने गुरुवारी पुण्यातील सावित्रीबाई फुले पुणे विद्यापीठ (SPPU) परिसरात मोठे आंदोलन केले. या आंदोलनात सामाजिक कार्यकर्ते सोनम वांगचुक सहभागी झाले होते. शेकडो विद्यार्थी, स्पर्धा परीक्षा उमेदवार आणि समर्थकांनी बॅनर, पोस्टर आणि घोषणाबाजी करत केंद्र सरकारवर निशाणा साधला.Sonam Wangchuk

यावेळी आंदोलकांनी केंद्रीय शिक्षणमंत्री धर्मेंद्र प्रधान यांच्या राजीनाम्याची मागणी केली.Sonam Wangchuk

• Fadnavis : “काँग्रेसच्या नेतृत्वात शिखांचा कत्लेआम झाला, हे सत्य विसरता येणार नाही”; शरद पवारांच्या टीकेला फडणवीसांचे प्रत्युत्तर

सोनम वांगचुक यांनी जाहीर केला CJP चा शिक्षण जाहीरनामा

आंदोलनादरम्यान सोनम वांगचुक यांच्या हस्ते CJP चा शिक्षणविषयक जाहीरनामा प्रसिद्ध करण्यात आला. या जाहीरनाम्यात पुढील मुद्द्यांवर भर देण्यात आला आहे:

पेपरफुटीच्या घटनांवर कठोर नियंत्रण
परीक्षांचे निकाल वेळेत जाहीर करणे
भरती व प्रवेश प्रक्रियेत पारदर्शकता
परीक्षा घेणाऱ्या संस्थांची जबाबदारी निश्चित करणे
परीक्षा विलंबामुळे विद्यार्थ्यांना होणाऱ्या नुकसानीवर उपाययोजना

वांगचुक यांनी विद्यार्थ्यांच्या भवितव्याशी संबंधित प्रश्नांवर अधिक संवेदनशील आणि उत्तरदायी व्यवस्था उभारण्याची गरज व्यक्त केली.

अभिजीत दीपके यांची 5 प्रमुख मागण्या

CJP चे संस्थापक अभिजीत दीपके यांनी आपल्या भाषणात पुण्यातील गर्दी दिल्लीतील जंतर-मंतरवरील आंदोलनापेक्षाही मोठी असल्याचा दावा केला.

यावेळी त्यांनी सरकारसमोर पाच प्रमुख मागण्या मांडल्या. त्यातील सर्वाधिक चर्चेत आलेली मागणी म्हणजे NCERT च्या पुस्तकांमध्ये मराठा साम्राज्याचा नकाशा पुन्हा समाविष्ट करावा ही होती.

मराठा साम्राज्याच्या नकाशावरून वाद का निर्माण झाला?

NCERT ने 2025-26 शैक्षणिक वर्षासाठी इयत्ता आठवीच्या इतिहासाच्या पुस्तकात मराठा साम्राज्याचा नकाशा प्रकाशित केला होता. या नकाशात राजस्थानातील काही भाग मराठा साम्राज्याच्या प्रभावक्षेत्रात दाखवण्यात आले होते.

मात्र काही इतिहास संशोधक आणि माजी राजघराण्यांकडून त्यावर आक्षेप घेण्यात आला. त्यानंतर मार्च 2026 मध्ये NCERT ने तो नकाशा पुस्तकातून वगळला. याच निर्णयाला विरोध करत दीपके यांनी नकाशा पुन्हा समाविष्ट करण्याची मागणी केली.

पुण्यानंतर देशभर आंदोलनाची घोषणा

अभिजीत दीपके यांनी 11 जूनपासून देशव्यापी आंदोलन सुरू करण्याची घोषणा केली आहे. त्याची सुरुवात पुण्यातून झाली असून 12 जून रोजी लखनऊ येथे पुढील आंदोलन होणार आहे.

याशिवाय जयपूर, अमृतसर, बेंगळुरू आदी शहरांमध्येही कार्यक्रम आयोजित करण्यात येणार आहेत. या आंदोलन मालिकेचा समारोप 20 जून रोजी दिल्लीतील जंतर-मंतर येथे होणार असल्याचे CJP ने जाहीर केले आहे.

मोदींसोबतचा फोटो AI निर्मित असल्याचा दावा

आंदोलनापूर्वी झालेल्या पत्रकार परिषदेत अभिजीत दीपके यांनी पंतप्रधान नरेंद्र मोदी यांच्यासोबतचा व्हायरल फोटो कृत्रिम बुद्धिमत्ता (AI) वापरून तयार करण्यात आल्याचा दावा केला.

“मी अमेरिकेत विद्यार्थी होतो. पंतप्रधानांना भेटण्याची प्रक्रिया किती कठीण असते हे सर्वांना माहीत आहे. त्यामुळे त्या फोटोतील दावा खरा नाही,” असे त्यांनी स्पष्ट केले.

त्यांचे हे वक्तव्य शिवसेना (उद्धव बाळासाहेब ठाकरे) नेते संजय राऊत यांनी केलेल्या दाव्यानंतर समोर आले आहे. राऊत यांनी दीपके भारतात येण्यापूर्वी अमेरिकेत मोदींना भेटल्याचा दावा केला होता.

‘कॉकरोच’ वक्तव्यापासून पक्षाची सुरुवात

कॉकरोच जनता पार्टीची स्थापना एका न्यायालयीन टिप्पणीच्या पार्श्वभूमीवर झाली. सर्वोच्च न्यायालयातील सुनावणीदरम्यान काही बेरोजगार तरुणांविषयी केलेल्या “कॉकरोच” या शब्दप्रयोगानंतर अभिजीत दीपके यांनी 16 मे रोजी सोशल मीडियावर CJP ची घोषणा केली होती.

यानंतर त्यांनी शिक्षणमंत्री धर्मेंद्र प्रधान यांच्या राजीनाम्यासाठी ऑनलाइन मोहीम सुरू केली. या मोहिमेला लाखो विद्यार्थ्यांचा पाठिंबा मिळाल्याचा पक्षाचा दावा आहे.

CJP Staged Massive Protest in Pune: Sonam Wangchuk Attends, Demands Maratha Map in NCERT

महत्वाच्या बातम्या

• नीती आयोगाच्या बैठकीत विकसित भारताचा गजर; न्यूनगंडी “विकासनशील” संकल्पना इतिहासजमा!!
• Pakistan air strike : पाकिस्तानचा अफगाणिस्तानवर पुन्हा हवाई हल्ला; 11 मुलांसह 13 जणांचा मृत्यू, तालिबान संतप्त
• ‘Donald Trump : डील करा, नाहीतर भीषण हल्ला करू’; ट्रम्प यांचा इराणला थेट इशारा, मध्यपूर्वेत पुन्हा युद्धाची धास्ती
• राष्ट्रवादीच्या वर्धापन दिनाच्या कार्यक्रमात मुख्यमंत्री पदाच्या विषयाला पुन्हा उकळी; पवारांच्या जखमेवर मीठ चोळी!!