ब्रिटन सह युरोपमध्ये सर्वाधिक पाकिस्तानी आणि बांगलादेशी नागरिक हे बेकायदा स्थलांतरित झाले आहेत, पण बदनामी मात्र संपूर्ण आशियाची झाली आहे. लंडनमध्ये निघालेला मोर्चा, ब्रिटन मधल्या संसदेत सादर झालेला अहवाल, त्याचबरोबर ढाका ट्रिब्यून सारख्या वर्तमानपत्राने केलेले संशोधन यातली आकडेवारी धक्कादायक आहे.Most illegal immigrants are form Pakistan and Bangladesh, but European media targets all of Asia

युरोप आणि ब्रिटनमध्ये सगळ्यात जास्त बेकायदा स्थलांतरित हे पाकिस्तानी नागरिक आणि बांगलादेशी नागरिक असल्याचे या आकडेवारीनेच सिद्ध केले. मानवी तस्करीतून पाकिस्तानी नागरिकांनी बांगलादेशी नागरिक ब्रिटनसह युरोपमधल्या अन्य देशांमध्ये पोहोचल्याचे स्पष्ट झाले आहे.

ढाका ट्रिब्युनने मानवी तस्करी संदर्भातला अहवाल प्रसिद्ध केला. त्यानुसार 2024 च्या अखेरच्या सहा महिन्यांमध्ये युरोपमध्ये 25,653 बेकायदा स्थलांतरित घुसले. त्यापैकी सगळ्यात जास्त म्हणजे 5644 बांगलादेशी नागरिक होते. त्यांच्यापाठोपाठ 3780 सिरीयन नागरिकांनी युरोपात बेकायदेशीर स्थलांतर केले. त्यांच्या खालोखाल 3317 ट्युनिशिया, 2008 गयाना आणि 1700 इजिप्शियन नागरिकांचा बेकायदा स्थलांतरितांमध्ये समावेश होता. ढाका ट्रिब्यूनने ही आकडेवारी फ्रंटएक्स नावाच्या युरोपियन बॉर्डर आणि कोस्ट गार्ड एजन्सीच्या हवाल्याने प्रसिद्ध केली.

• Chandrakant Khaire : चंद्रकांत खैरे म्हणाले- दसऱ्यापासून राज-उद्धव एकत्र दिसणार, आगामी निवडणुका सोबत लढवणार

लंडन मध्ये बेकायदा स्थलांतरांविरुद्ध लाखो ब्रिटिशांचा मोर्चा; पण बेकायदा स्थलांतरितांमध्ये सर्वाधिक पाकिस्तान्यांचा भरणा!!

लंडनमध्ये बेकायदा स्थलांतरांविरुद्ध लाखो ब्रिटिशांनी मोर्चा काढल्यानंतर बेकायदा स्थलांतरितांचा मुद्दा संपूर्ण युरोपमध्ये पुन्हा एकदा चर्चेला आला. युरोपमध्ये आशियाई लोक येऊन धुमाकूळ घालतात, कायदा आणि सुव्यवस्थेचा प्रश्न निर्माण करतात स्थानिकांच्या नोकऱ्यांवर गदा आणतात वगैरे आरोप करून लाखो ब्रिटिश बेकायदा स्थलांतरितांच्या विरोधात मोर्चामध्ये सामील झाले होते. परंतु संपूर्ण आशियाची बदनामी करणारे बेकायदा स्थलांतरित हे पाकिस्तान आणि बांगलादेशातून ब्रिटन आणि युरोपमधल्या अन्य देशात पोहोचल्याचे सत्य युरोपमधल्या माध्यमांनी सांगितले नाही. पण म्हणून ते लपूनही राहिले नाही.

लंडनमध्ये लाखो ब्रिटिशांनी एकत्र येऊन ब्रिटन मधल्या बेकायदा स्थलांतरितांच्या विरोधात प्रचंड मोर्चा काढला. ब्रिटनमध्ये बेकायदा स्थलांतरित येऊन धुमाकूळ घालतात. गुन्हे वाढवतात. सार्वजनिक शिस्त बिघडवतात. स्थानिकांच्या नोकऱ्या आणि रोजगार बळकावतात, असे आरोप मोर्चातील लोकांनी केले. अर्थात त्याला उजव्या विचारसरणीच्या पक्षाचा पाठिंबा मिळाला.

 आकडे बोलतात

पण “बेकायदा स्थलांतरित” या संकल्पनेत ब्रिटनमध्ये नेमके कोण बसते?? आणि कोणामुळे नेमक्या समस्या निर्माण झाल्यात??, याचा अहवाल ब्रिटनच्या संसदेत म्हणजेच हाऊस ऑफ कॉमन्स मध्ये 1 सप्टेंबर 2025 रोजी सादर केला गेला. त्यातले तपशील प्रचंड धक्कादायक असल्याचे समोर आले. कारण ब्रिटनमध्ये घुसलेल्या बेकायदा स्थलांतरितांमध्ये 52 % आशियाई, 20 % आफ्रिकन, 16 % अमेरिकन आणि युरोपियन, 11 % अरब आणि उत्तर आफ्रिकन यांचा समावेश आहे.

 सर्वाधिक घुसखोर पाकिस्तानी

पण त्या पलीकडची आकडेवारी अधिक धक्कादायक आहे, ती म्हणजे 52% आशियाई लोकांमध्ये सर्वाधिक घुसखोर म्हणजेच बेकायदा स्थलांतरित पाकिस्तानी आहेत. त्यांच्यापाठोपाठ अफगाण आणि इराणी आहेत. त्याचबरोबर सिरीयन देखील आहेत. पाकिस्तानी, बांगलादेशी, अफगाणी, इराणी आणि सिरीयन घुसखोरांनी म्हणजेच बेकायला स्थलांतरितांनी मूळच्या ब्रिटन मधल्या ब्रिटिशांचे जीवन हराम केले आहे. त्यांच्यामुळे ब्रिटन मधल्या गंभीर गुन्हेगारीचे प्रमाण वाढले आहे. ब्रिटिश मुली आणि स्त्रियांवर बलात्कार करणे, त्यांना धमक्या देऊन घरे बळकावणे, वृद्धांवर हल्ले करणे, झुंडशाही करून विशिष्ट परिसरात धुडगूस घालणे, लुटालूट करणे, धार्मिक उन्माद पसरविणे, अशा अनेक गुन्ह्यांमध्ये हे घुसखोर म्हणजेच बेकायदा स्थलांतरित सामील आहेत. हे वक्तव्य कुठल्या वृत्तवाहिनीचे किंवा ब्रिटिश वृत्तपत्राचे नाही, तर हाऊस ऑफ कॉमन्स मध्ये सादर झालेल्या अहवालात ते नमूद केले आहे.

बेकायदा स्थलांतरित किती??

2024 मध्ये ब्रिटनमध्ये आश्रय मागण्यासाठी 84,200 जणांनी अर्ज केला, तर 2025 मध्ये हाच आकडा 88, 700 आणि 111,100 पर्यंत पोहोचला. ब्रिटिश संसदेत हे आकडे जाहीर झाल्यानंतर यातल्या बहुसंख्यांनी आश्रय मागण्यासाठी अर्ज केले. याचाच अर्थ ते आधी घुसखोरी करून ब्रिटनमध्ये शिरले होते. पकडले गेल्यावर त्यांनी आश्रय मागण्यासाठी अर्ज दाखल केले. जून 2025 मध्ये 22,7000 स्थलांतरित ब्रिटनमध्ये आल्याचे सांगितले जाते. तसे अहवालात नमूद केले आहे. ब्रिटनची लोकसंख्या 6.8 कोटी आहे. त्यामध्ये 7,45000 एवढे बेकायदा स्थलांतरित आहेत. त्यापैकी एकट्या लंडन मध्ये 5,85500 एवढे बेकायदा स्थलांतरित आहेत.

महत्त्वाचे म्हणजे भारत, चीन, जपान आणि कोरिया यांच्यासारख्या प्रगत आणि मोठी लोकसंख्या असलेल्या देशांमधल्या नागरिकांचा बेकायदा स्थलांतरितांमध्ये एवढ्या मोठ्या प्रमाणावर समावेश नाही. तरी देखील युरोप मधली माध्यमे पाकिस्तानी आणि बांगलादेशी बेकायदा स्थलांतरितांचे खापर संपूर्ण आशियावर फोडून आशियाई समाजाला बदनाम करत आहे.

Most illegal immigrants are form Pakistan and Bangladesh, but European media targets all of Asia

महत्वाच्या बातम्या

• Sushila Karki : सुशीला कार्की नेपाळच्या पहिल्या महिला पंतप्रधान; राष्ट्रपतींनी 6 महिन्यांत निवडणुका घेण्याची घोषणा केली
• ट्रम्प टेरिफच्या अतिरेकामुळे अमेरिकेत महागाईचा कहर; भारतात GST कमी केल्याने स्वस्ताईची लहर!!
• Haribhau Rathod : मराठा आरक्षणावरून हरिभाऊ राठोड संतापले- आम्ही ओबीसी येडे आहोत का? भुजबळ एका समाजापुरतेच मर्यादित
• Suresh Dhas advice to the Hake : आक्रमकपणे बोलून प्रश्न सुटत नसतात; आक्रस्ताळेपणा बंद करा ! सुरेश धस यांचा हाकेंना सल्ला