वृत्तसंस्था

बंगळुरू :PM Modi  बंगळुरू येथील आर्ट ऑफ लिव्हिंग इंटरनॅशनल सेंटरमध्ये रविवारी पंतप्रधान नरेंद्र मोदी यांनी नवीन ध्यान मंदिराचे उद्घाटन केले. हा कार्यक्रम आर्ट ऑफ लिव्हिंगला ४५ वर्षे पूर्ण झाल्यानिमित्त आणि संस्थापक श्री श्री रविशंकर यांच्या ७० व्या वाढदिवसानिमित्त आयोजित करण्यात आला होता.PM Modi

यावेळी शिक्षण, महिला सक्षमीकरण, पर्यावरण, आदिवासी कल्याण, आरोग्य आणि डिजिटल साक्षरतेशी संबंधित ९ नवीन सेवा प्रकल्पांची सुरुवात करण्यात आली.PM Modi

• एल निनोच्या पार्श्वभूमीवर महाराष्ट्रात जलसंधारणाच्या कामांना युद्धपातळीवर गती

पंतप्रधान मोदी म्हणाले- ध्यान मंदिर शांतीचे केंद्र बनेल

पंतप्रधान मोदी म्हणाले की, नवीन ध्यान मंदिर येणाऱ्या पिढ्यांसाठी शांती आणि समाधानाचे मोठे केंद्र बनेल. त्यांनी आर्ट ऑफ लिव्हिंगच्या ४५ वर्षांच्या कार्याचे कौतुक करत सांगितले की, सेवाभावाने केलेला प्रत्येक प्रयत्न यशस्वी होतो.

पंतप्रधान मोदी म्हणाले की, विकसित भारतासाठी मानसिकदृष्ट्या शांत आणि सामाजिकदृष्ट्या जबाबदार तरुणांची गरज आहे. योग, ध्यान आणि मानसिक आरोग्याची राष्ट्रनिर्मितीत महत्त्वाची भूमिका आहे.

कार्यक्रमात पंतप्रधान मोदींनी गुरुदेव श्री श्री रविशंकर यांना सांगितले की, मी तुमचाच आहे आणि जिथे मी आहे, तिथेही तुमच्यामुळेच आहे. यावर उपस्थित लोकांनी टाळ्या वाजवल्या.

गुरुदेव म्हणाले- भारतात नवीन आत्मविश्वास दिसत आहे

आर्ट ऑफ लिविंगचे संस्थापक श्री श्री रविशंकर म्हणाले की, गेल्या काही वर्षांत देशात आत्मविश्वास वाढला आहे. भारत जागतिक स्तरावर मजबूत झाला आहे.

ते म्हणाले की, स्वच्छ भारत अभियानानंतर देश अधिक स्वच्छ आणि सुव्यवस्थित दिसतो.

संस्थेने 90 लाख रोपे लावली, 550 कारागृहांमध्ये कार्यक्रम राबवणार

आर्ट ऑफ लिविंगने सांगितले की, मिशन ग्रीन अर्थ अंतर्गत गेल्या एका वर्षात 19 राज्यांमध्ये 90 लाखांहून अधिक रोपे लावली आहेत. संस्था आता 45 लाख शेवग्याची रोपे आणि 87,500 पवित्र वृक्ष लावण्याचे उद्दिष्ट घेऊन वाटचाल करत आहे.

संस्थेने हे देखील सांगितले की, कारागृह सुधार कार्यक्रमांतर्गत 550 कारागृहांमध्ये 1,000 कार्यक्रम राबवले जातील. तसेच, महिला आणि युवा नेतृत्व कार्यक्रमांद्वारे हजारो लोकांना प्रशिक्षण दिले जाईल.

PM Modi Inaugurates New Meditation Centre at Art of Living International Centre

महत्वाच्या बातम्या

• केरळ मध्ये काँग्रेसचा साबण अजूनही स्लो; मुख्यमंत्री निवडायचे घोंगडे दिल्लीत ठेवले भिजत!!
• एल निनोच्या पार्श्वभूमीवर महाराष्ट्रात जलसंधारणाच्या कामांना युद्धपातळीवर गती
• TVK : विजय पुढे खरे आव्हान निर्णयांमधला धडाका आणि बोलण्यातला तडाखा टिकवण्याचे!!
• आता PF काढणे होणार ATM आणि UPIइतके सोपे! EPFOच्या नव्या सुविधेमुळे लाखो कर्मचाऱ्यांना मोठा दिलासा