विशेष प्रतिनिधी

नाशिक : भोंदूबाबा अशोक खरात याच्या विरोधात गुन्ह्यांची मालिका सुरू असताना अनेक पीडित महिला समोर येत असून केवळ शोषणच नव्हे तर फसवणूक आणि आर्थिक गैव्यवहाराबाबत देखील तक्रारी नोंदवत आहेत. या प्रकरणात नवा ट्विस्ट समोर आला आहे. अशोक खरात सावकारकीचा व्यवसाय देखील करत असल्याचे उघड झाले असून त्यामध्ये त्याची पत्नी कल्पना ही देखील सामील असल्याचे समोर आले.Fraudster Ashok Kharat’s wife absconding; Police issues lookout notice

त्यामुळे पोलिसांनी तिच्या विरोधात देखील गुन्हा दाखल केला. मात्र, गुन्हा दाखल होताच कल्पना खरात फरार झाली. कल्पना खरात परदेशात पळून जाण्याची शक्यता लक्षात घेऊन शिर्डी पोलिसांनी तिच्याविरोधात लुकआऊट नोटीस जारी केली आहे. या नोटिसीमुळे देशातील सर्व विमानतळांवर तिच्या परदेश प्रवासावर बंदी घालण्यात आली असून नाकेबंदी करण्यात आली आहे. पोलिसांकडून सध्या तिचा शोध सुरू आहे.

• महाराष्ट्रात नदी पुनरुज्जीवन प्राधिकरण स्थापन; फडणवीस मंत्रिमंडळाचा निर्णय

– अशोक खरात पण पळायच्या तयारीत होता

विशेष म्हणजे, यापूर्वी अशोक खरात देखील परदेशात पळून जाण्याच्या तयारीत होता. मात्र पोलिसांनी वेळीच कारवाई करत त्याला अटक केली होती. त्याच पार्श्वभूमीवर आता कल्पना खरातलाही देशाबाहेर जाण्यापासून रोखण्यासाठी कडक पावले उचलण्यात आली आहेत. शिर्डीतील 4 एकर भूखंडाच्या खरेदी-विक्री प्रकरणात देखील मोठी फसवणूक उघडकीस आली आहे. या प्रकरणी मूळ जमीन मालक रावसाहेब गोंदकर यांनी तक्रार दाखल केली आहे. कर्ज देण्याच्या बहाण्याने सावकारीच्या जाळ्यात अडकवून जमीन बळकावल्याचा आरोप करण्यात आला आहे.

– 5 जणांवर गुन्हा दाखल

या प्रकरणी शिर्डी पोलिसांनी अशोक खरात, कल्पना खरात यांच्यासह अरविंद बावके, किरण सोनवणे आणि अशोक तांबे या 5 जणांविरुद्ध फसवणूक आणि सावकारी कायद्यांतर्गत गुन्हा दाखल केला आहे. एकीकडे लैंगिक शोषणाच्या गंभीर आरोपांमुळे आधीच खळबळ उडालेली असताना, आता आर्थिक फसवणुकीचेही धक्कादायक तपशील समोर येत असल्याने हे प्रकरण अधिकच गंभीर बनले आहे. पोलिस तपास सुरू असून आणखी धक्कादायक माहिती समोर येण्याची शक्यता व्यक्त केली जात आहे.

Fraudster Ashok Kharat’s wife absconding; Police issues lookout notice

महत्वाच्या बातम्या

• Donald Trump : विमानतळाला देणार ट्रम्प यांचे नाव; फ्लोरिडाच्या आंतरराष्ट्रीय विमानतळाचे नाव बदलणार
• नरेंदर कब मिलेगा सिलेंडर??, वंचित बहुजन आघाडीचे 6 एप्रिलला महाराष्ट्रात आंदोलन
• संजय राऊतांचे सूचक ट्विट, शरद पवार महाराष्ट्रात फिरणार!!; पण फिरून काय करणार??
• War Impact : घरांपर्यंत युद्धाची झळ, दूध-किराणा-उपचार सर्व महागणार; दैनंदिन वस्तूंच्या किमती वाढण्याची तयारी