वृत्तसंस्था

नवी दिल्ली : NCERT नॅशनल कौन्सिल ऑफ एज्युकेशनल रिसर्च अँड ट्रेनिंग म्हणजेच NCERT ने इयत्ता ९ वी साठी नवीन इंग्रजी पुस्तक तयार केले आहे. यात भारतीय लेखकांच्या रचनांना अधिक स्थान देण्यात आले आहे आणि अभ्यासक्रमही कमी करण्यात आला आहे.NCERT

नवीन पुस्तकात तमिळ कवी सुब्रमणिया भारती, राज्यसभा खासदार आणि लेखिका सुधा मूर्ती, नागा लेखिका तेम्सुला आओ, रवींद्रनाथ टागोर आणि आसामी कादंबरीकार मित्रा फुकन यांसारख्या भारतीय लेखकांच्या रचनांचा समावेश करण्यात आला आहे.NCERT

आतापर्यंत ९ वी साठी इंग्रजीची २ पुस्तके होती

यापूर्वी २००६-०७ ते २०२५-२६ पर्यंत शिकवल्या जाणाऱ्या पुस्तकांमध्ये २९ पैकी १५ रचना परदेशी लेखकांच्या होत्या. अधिकाऱ्यांच्या मते, आता नवीन पुस्तकात एकूण १६ प्रकरणे ठेवण्यात आली आहेत. यात भारतीय आणि परदेशी लेखकांच्या जवळपास समान संख्येने रचनांचा समावेश करण्यात आला आहे.NCERT

• महाराष्ट्राची अर्थव्यवस्था 51 लाख कोटींची, युरोप मधल्या काही देशांना आणि पूर्व आशियातल्या देशांनाही टाकले मागे; मुख्यमंत्र्यांच्या भाषणातून आकडे बोलले!!

अधिकाऱ्यांचे म्हणणे आहे की, यापूर्वी या विषयासाठी दोन पुस्तके शिकवली जात होती, परंतु आता ती कमी करून एकच पुस्तक करण्यात आले आहे.

इंग्रजीच्या नवीन पुस्तकाचे नाव ‘कावेरी’ आहे

एनसीईआरटीच्या इयत्ता 9वीच्या नवीन इंग्रजी पुस्तकाचे नाव ‘कावेरी’ ठेवण्यात आले आहे. याची सुरुवात सुधा मूर्ती यांच्या ‘How I Taught My Grandmother to Read and Other Stories’ (2004) या पुस्तकातून घेतलेल्या एका कथेने होते.

8 भारतीय आणि 6 परदेशी लेखकांच्या रचना

नॅशनल करिकुलम फ्रेमवर्क फॉर स्कूल एज्युकेशन म्हणजेच NCF-SE 2023 च्या आधारावर तयार करण्यात आले आहे. आता हे आधीच्या ‘Beehive’ आणि ‘Moments’ या पुस्तकांची जागा घेईल.

नवीन पुस्तकात इंडियन नॉलेज सिस्टम (IKS) शी संबंधित घटक देखील समाविष्ट केले आहेत. यात एकूण 16 प्रकरणे आहेत. यापैकी 8 भारतीय लेखकांचे आहेत, तर 6 परदेशी लेखकांच्या रचना आहेत. परदेशी लेखकांमध्ये डेव्हिड रोथ, चार्ल्स स्वेन, ब्रायना टी. पर्किन्स, रॉबर्ट लँगली, माया अँथनी आणि आयरीन चुआ यांच्या रचनांचा समावेश आहे.

पॅरालिंपिक खेळाडू दीपा मलिक यांची मुलाखतही समाविष्ट

पुस्तकात ‘Gifts of Grace: Honouring Our Vocations’ ही एक अनामिक कविता देखील दिली आहे. याव्यतिरिक्त, ‘The World of Limitless Possibilities’ या शीर्षकाखाली एक मुलाखतीवर आधारित प्रकरण देखील समाविष्ट आहे, ज्यात पॅरालिंपिक खेळाडू दीपा मलिक यांची मुलाखत आहे.

NCERT Launches ‘Kaveri’: New Class 9 English Textbook with More Indian Authors VIDEOS

महत्वाच्या बातम्या

• Harish Rana : सर्वोच्च न्यायालयाची एका व्यक्तीला इच्छामरणाची परवानगी; देशातील अशा प्रकारचं पहिलं प्रकरण
• भारतात पेट्रोल, डिझेल आणि इंधन तेलाची कमतरता नाही; केंद्र सरकारचे लोकसभेत निवेदन
• Kim Jong : उत्तर कोरियात क्रूझ क्षेपणास्त्र चाचणी; किम जोंग उनने मुलीसोबत पाहिले फायरिंग
• Sandeep Patil : संदीप पाटील म्हणाले- युवराजला धोनीने वगळले नाही, योगराज सिंह यांनी चुकीचे आरोप केले