विशेष प्रतिनिधी

कोलकाता : Durgapur Gangrape पश्चिम बंगालच्या दुर्गापूरमधील खासगी वैद्यकीय महाविद्यालयातील विद्यार्थिनीवरील कथित सामूहिक बलात्कार प्रकरणात तृणमूल काँग्रेसने निर्लज्ज आणि धक्कादायक दावा केला आहे.Durgapur Gangrape

टीएमसीने पीडितेवरच आरोप करत म्हटले आहे की, “ही गँगरेपची कहाणी बनावट आहे, ती आपल्या मित्राला वाचवण्यासाठीच तयार करण्यात आली आहे.”दरम्यान, पोलिसांनीही या प्रकरणात मोठा ट्विस्ट देत सांगितले की, हा गँगरेप नसून फक्त एकाच आरोपीने केलेला बलात्कार असल्याचे प्राथमिक तपासात दिसून आले आहे.

ही घटना १० ऑक्टोबरच्या संध्याकाळी घडल्याचे सांगण्यात आले होते.पीडिता आणि तिचा मित्र वासिफ अली (२३, मालदा) हे दोघे सिटी मेडिकल कॉलेजच्या परिसरातून बाहेर पडले असताना काही अज्ञातांनी तिला ओढून जंगलात नेऊन सामूहिक बलात्कार केला, असा गंभीर आरोप झाला होता.

• ऐतिहासिक!! 6 कोटींच्या बक्षिसाचा माओवादी कमांडर सोनू भुपती 60 माओवाद्यांसह मुख्यमंत्री फडणवीसांसमोर शरण!!

या प्रकरणात पोलिसांनी पाच जणांना अटक केली होती —आपू बौरी, शेख फिरदौस, शेख रियाजुद्दीन, शेख नासिरुद्दीन आणि शेख शफिकूल. हे सर्व तृणमूल काँग्रेसशी संबंधित असल्याचे सांगण्यात आले.

पोलिसांच्या हाती लागलेल्या सीसीटीव्ही फुटेजमधून संपूर्ण कथनावर प्रश्नचिन्ह निर्माण झाले आहे.

पीडिता आणि वासिफ अली हे संध्याकाळी ७:५४ वाजता कॉलेजमधून बाहेर पडताना, तर वासिफ ८:४२ वाजता एकटाच परतताना, पुन्हा ८:४८ वाजता बाहेर जाताना, आणि शेवटी ९:२९ वाजता पीडितेसोबत परतताना दिसतो.

फुटेजमध्ये पीडिता शांतपणे चालताना, कपडे व्यवस्थित अवस्थेत दिसते. पोलिस म्हणतात, “जर जंगलात गँगरेप झाला असता, तर शारीरिक पुरावे नक्कीच सापडले असते. परंतु तसे काही आढळले नाही.”

असन्सोल–दुर्गापूर पोलिस आयुक्त सुनिल कुमार चौधरी यांनी सांगितले, “आमच्या तपासानुसार फक्त एकाच व्यक्तीने बलात्कार केला आहे. उर्वरित आरोपींच्या भूमिकेचा तपास सुरू आहे. पीडितेचा मित्र वासिफ अली हेदेखील संशयाच्या भोवऱ्यात आहेत.” सर्व आरोपींचे कपडे व नमुने फॉरेन्सिक तपासासाठी पाठवले असून डीएनए अहवालाची प्रतीक्षा आहे.

राज्याचे तृणमूल सरचिटणीस निलंजन दास यांनी धक्कादायक विधान करत म्हटले, “ही गँगरेपची गोष्ट खोटी आहे. पीडिता आपल्या मित्राला वाचवण्यासाठी हे बनावट प्रकरण तयार केले आहे.”

काही स्थानिक माध्यमांनी तर असा दावा केला आहे की, पीडिता आणि तिचा मित्र जंगलात एकांतात गेले असताना काही दारुड्यांनी त्यांना पाहिले आणि लुटमार केली, त्यानंतर हे सर्व झाकण्यासाठी ‘गँगरेप’चा आरोप लावला गेला.

पीडितेच्या वडिलांनी या सर्व आरोपांवर कठोर प्रतिक्रिया दिली. “माझ्या मुलीला बाहेर जायचे नव्हते, पण वासिफने तिला जबरदस्तीने नेले. ही योजना आधीपासून आखलेली होती,” असे त्यांनी म्हटले. त्यांनी वासिफलाही संशयित म्हणून नमूद केले आहे.

या प्रकरणामुळे पश्चिम बंगाल आणि ओडिशा यांच्यात राजकीय वाद निर्माण झाला आहे. ओडिशाचे मुख्यमंत्री मोहन चरण माजी यांनी पीडितेच्या वडिलांशी बोलून आश्वासन दिले की, “दोषींना कठोरात कठोर शिक्षा दिली जाईल.”

TMC’s Shameless Accusation Against the Victim! ‘Durgapur Gangrape Never Happened, It Was a Fabricated Story,’ Claims Trinamool Congress

महत्वाच्या बातम्या

• Jayant Patil : जयंत पाटलांचा दावा- एकेका मतदाराला 8-8 वेळा मतदानाचा हक्क; आयोगाचे सर्व्हर दुसरेच कुणीतरी ऑपरेट करत असल्याचा आरोप
• Army Vice Chief : लष्कर उपप्रमुख म्हणाले- 1990 पासून लाखो लोक जम्मू-काश्मीर सोडून गेले, 15,000 नागरिक आणि 3,00 सुरक्षा कर्मचारी मारले गेले
• IMF : FY 26 मध्ये भारताचा जीडीपी 6.6% दराने वाढणार; IMF ने वाढवला जीडीपी वाढीचा अंदाज, म्हटले- भारत जगातील सर्वात वेगाने वाढणारी
• India Record : देशात जन्मदर घटला, 2023 मध्ये 2.5 कोटी बाळांचा जन्म, 2022च्या तुलनेत 2.32 कोटी कमी; मृत्यूदरात वाढ