वृत्तसंस्था

मुंबई : Phaltan Doctor Suicide  फलटण येथील महिला डॉक्टर आत्महत्या प्रकरणाचा तपास आता विशेष तपास पथकामार्फत करण्यात येणार आहे. या प्रकरणाचे गांभीर्य आणि संवेदनशीलता लक्षात घेऊन, राज्याचे पोलिस महासंचालक यांना मुख्यमंत्री देवेंद्र फडणवीस यांनी तातडीने एसआयटी स्थापन करण्याचे निर्देश दिले आहेत. या निर्देशानुसार, हा संपूर्ण तपास एका महिला आयपीएस अधिकाऱ्याच्या नेतृत्वाखालील विशेष तपास पथकाकडून केला जाईल, जेणेकरून प्रकरणाची निष्पक्ष आणि सखोल चौकशी व्हावी.Phaltan Doctor Suicide

फलटणमधील उपजिल्हा रुग्णालयात कार्यरत असलेल्या या महिला डॉक्टरने काही दिवसांपूर्वी आत्महत्या केली होती. या घटनेनंतर मोठी खळबळ उडाली आहे. तिने हातावर सुसाईड नोट लिहून ठेवल्याचे समोर आले होते. या चिठ्ठीमध्ये तिने आपल्यावर वरिष्ठांचा आणि पोलिसांचा दबाव असल्याची तक्रार नमूद केली होती. या प्रकरणात भाजपचे माजी खासदार रणजितसिंह नाईक निंबाळकर यांच्या दोन स्वीय सहायकांसह पोलिस उपनिरीक्षक गोपाळ बदने यांच्यावर गंभीर आरोप करण्यात आले आहेत.Phaltan Doctor Suicide

• शेतकऱ्यांना 30 जूनपर्यंत कर्जमाफी; मुख्यमंत्री देवेंद्र फडणवीस यांची घोषणा

आत्महत्येपूर्वी केलेल्या तक्रारींमध्ये अत्यंत धक्कादायक आणि गंभीर बाबी उघड झाल्या आहेत. महिला डॉक्टरने पोलिस उपनिरीक्षक गोपाळ बदने याच्यावर चार वेळा बलात्कार केल्याचा गंभीर आरोप केला आहे. याव्यतिरिक्त, मृतदेहाचा पोस्टमॉर्टम रिपोर्ट बदलण्यासाठी आपल्यावर रुग्णालयातील वरिष्ठांकडून तसेच पोलिसांकडून दबाव आणला जात असल्याची तक्रारही तिने नोंदवली होती. या सर्व गंभीर आरोपांच्या पार्श्वभूमीवर, प्रकरणाचा सखोल तपास आणि पीडितेला न्याय मिळवून देण्यासाठी हा तपास आता एसआयटीकडे सोपवण्यात आला आहे.

या प्रकरणामध्ये अनेक महत्त्वाच्या आणि मोठ्या नावांचा समावेश असल्याने, विरोधकांनी सातत्याने या आत्महत्येच्या घटनेची एसआयटी चौकशी करण्याची मागणी लावून धरली होती. स्थानिक सातारा पोलिसांकडून या प्रकरणाचा तपास झाल्यास त्यांच्यावर राजकीय दबाव येण्याची शक्यता असल्याने, निष्पक्ष तपासासाठी विशेष तपास पथक नेमणे आवश्यक आहे, असा विरोधकांचा युक्तिवाद होता. अखेर, प्रकरणाचे गांभीर्य लक्षात घेऊन आणि विरोधकांची ही मागणी मान्य करत, मुख्यमंत्र्यांनी या प्रकरणाचा तपास एसआयटीकडे सोपवण्याचे निर्देश दिले आहेत.

Phaltan Doctor Suicide SIT Women IPS Investigation

महत्वाच्या बातम्या

• Kesari Sikandar Sheikh : महाराष्ट्र केसरी सिकंदरला शस्त्र तस्करीप्रकरणी पंजाबमध्ये अटक; पपला गुर्जर टोळीशी संबंध असल्याचा संशय
• Bengaluru : बंगळुरूत जोडप्याने फूड डिलिव्हरी एजंटला चिरडले; स्कूटर कारला खेटून गेल्याने 2 किमी पाठलाग करून धडक
• Mamta Kulkarni : ममता कुलकर्णी म्हणाली- दाऊद दहशतवादी नाही, मुंबई बॉम्बस्फोट त्याने घडवून आणले नाहीत, मी त्याला कधीच भेटले नाही
• Gujarat : गुजरातेत गर्भपातावर सुनावणी सुरू असताना अल्पवयीन पीडिता प्रसूत; 15 वर्षीय रेप पीडितेचा खटला; राज्याला 6 महिन्यांचा खर्च उचलण्याचे आदेश