विशेष प्रतिनिधी

पुणे :  मुंबई बेंगळुरू राष्ट्रीय महामार्गावरील नवले पूल परिसरातील वाढत्या अपघातांना आळा घालण्यासाठी आवश्यक असणाऱ्या उपाययोजना तातडीने आणि प्राधान्याने सुरू कराव्यात, असे आदेश केंद्रीय रस्ते वाहतूक मंत्री नितीन गडकरी यांनी राष्ट्रीय महामार्ग प्राधिकरणाला दिले आहेत, अशी माहिती पुण्याचे खासदार व केंद्रीय राज्यमंत्री मुरलीधर मोहोळ यांनी दिली. Nitin Gadkari

नवले पूल येथे नुकत्याच झालेल्या अपघातात आठ जणांचा बळी गेला होता. या पार्श्वभूमीवर मोहोळ यांनी बुधवारी रात्री नवी दिल्लीत केंद्रीय मंत्री नितीन गडकरी यांची भेट घेत हा अपघात व उपाययोजनांबाबत सविस्तर चर्चा केली. या भेटीनंतर मोहोळ यांनी ही माहिती दिली. Nitin Gadkari

‘नवले पुलाजवळील अपघातप्रवण ‘ब्लॅक स्पॉट्स’ ची संख्या कमी करण्यासंदर्भात केंद्र व राज्य सरकारने केलेल्या उपाययोजनांची माहिती गडकरी यांना दिली.  त्यानंतरही नुकत्याच झालेल्या अपघातानंतर अधिक प्रभावी व तातडीची पावले उचलण्याची गरज असल्याकडे गडकरी यांचे लक्ष वेधले. तसेच या अपघातानंतर पुण्यात महापालिका, पीएमआरडीए, जिल्हा प्रशासन, पोलिस व महामार्ग प्राधिकरणासोबत घेतलेल्या बैठकांमध्ये निश्चित झालेल्या उपाययोजनांबाबतचा अहवालही गडकरी यांच्याकडे सादर करत याबाबत केंद्रीय स्तरावर तातडीने सूचना द्याव्यात, अशी मागणी केली,’ असे मोहोळ म्हणाले.

• सकाळी नाराजी, संध्याकाळी तोडगा; फडणवीस + शिंदेंनी विषय मिटवला!!

मोहोळ म्हणाले, नवले पूल येथील अपघात थांबावेत, यासाठी मा. नितीनजी गडकरी यांची भेट घेत या संदर्भातील बैठकांचा अहवाल सादर केला. त्यावर सकारात्मक प्रतिसाद देत तातडीने आवश्यक कार्यवाही केली जाईल, असे आश्वासन गडकरी यांनी दिले आहे.

बैठकीत चर्चिले गेलेले मुद्दे

– अपघात टाळण्यासाठी कायमस्वरूपी उपाययोजनांवर ठोस चर्चा
– एनएचएआयमार्फत रस्त्याची रचना.
– खेड-शिवापुर टोल नाक्यावर वाहनांचा लोड तपासणे
– टोल नाक्यावर आरटीओ मार्फत वाहनांची यांत्रिक तपासणी.
– वेगमर्यादेवर नियंत्रण आणणे.
– बॅरिकेडिंग व सिग्नल यंत्रणेत सुधारणा.
– धोकादायक ठिकाणांची पुनर्रचना.
– ठरावीक अंतरावर रम्बलर स्ट्रीप्सची संख्या वाढवणे
– सर्व यंत्रणांमधील समन्वय वाढविणे.

NHAI to take immediate measures to prevent accidents near Navale Bridge  orders Nitin Gadkari

महत्वाच्या बातम्या

• Rohini Acharya : लालू कुटुंबात कलह : रोहिणी म्हणाल्या- किडनी देण्याची वेळ आली तेव्हा मुलगा पळून गेला
• China Japan : चीन-जपानमध्ये वाद पेटला; जपानी पंतप्रधानांचे तैवानच्या रक्षणाचे वक्तव्य, चीनने म्हटले- हे चिथावणीखोर विधान
• Shivamogga : कर्नाटकातील शिवमोगा येथे धर्म विचारून तरुणावर हल्ला; हिंदू असल्याचे सांगितल्यावर मारहाण, 50,000 लुटले
• Bangladesh : बांगलादेशात हसीना यांचे वक्तव्य छापण्यास बंदी, सरकारने माध्यमांना दिला कडक इशारा