विशेष प्रतिनिधी

नवी दिल्ली : Khargosh Janata Party युट्यूबर आणि बिग बॉस OTT विजेता एल्विश यादव पुन्हा एकदा चर्चेत आला आहे. सोशल मीडियावर गेल्या काही दिवसांपासून चर्चेत असलेल्या ‘कॉकरोच जनता पार्टी’ (CJP) या व्यंगात्मक मोहिमेला प्रत्युत्तर देत त्याने आता ‘खरगोश जनता पार्टी’ (KJP) नावाची काल्पनिक राजकीय चळवळ सुरू केल्याचा दावा केला आहे. यामुळे सोशल मीडियावर समर्थक आणि विरोधकांमध्ये नवा वाद रंगला आहे.Khargosh Janata Party

“कॉकरोच जनता पार्टीशी वाद घालत नाही, पेस्ट कंट्रोल करतो”

वादाची सुरुवात एल्विश यादवच्या एका सोशल मीडिया पोस्टमधून झाली. त्याने “मी आता कॉकरोच जनता पार्टीच्या सदस्यांशी वाद घालत नाही. वादापेक्षा पेस्ट कंट्रोल जास्त प्रभावी असते,” असे म्हटले. या वक्तव्यावरून सोशल मीडियावर तीव्र प्रतिक्रिया उमटल्या. काहींनी याला विनोदी उपरोध म्हटले, तर काहींनी ते आक्षेपार्ह आणि अतिरेकी भाष्य असल्याची टीका केली.Khargosh Janata Party

• महाराष्ट्राच्या मंत्रालयीन विभागांची संख्या वाढवायचा निर्णय; ३३ वरून ४३ विभाग करणार

‘खरगोश जनता पार्टी’ची घोषणा

यानंतर एल्विशने ‘खरगोश जनता पार्टी’चा पोस्टर आणि जाहीरनामा प्रसिद्ध केला. या काल्पनिक पक्षाचा नारा होता – “तेज दिमाग, लांब कान आणि गाजरासह विकास.” तसेच “गाजर हा आमचा हक्क आहे”, “वेग ही आमची ओळख आहे” आणि “खरगोश एकता जिंदाबाद” अशा घोषणाही त्यात करण्यात आल्या.

यासोबतच त्याने दिल्लीतील जंतर-मंतर येथे येण्याचे आवाहन करत “सर्वांना मोफत गाजर” देण्याची उपरोधिक ऑफरही दिली.

‘फ्री स्पीच, मध्यमवर्ग आणि राष्ट्रप्रेम’चा दावा

एल्विश यादवने नंतर ‘खरगोश जनता पार्टी’साठी स्वतंत्र सोशल मीडिया हँडलही सुरू केले. त्यामध्ये हा पक्ष “अभिव्यक्ती स्वातंत्र्य, मध्यमवर्गीयांचे सक्षमीकरण आणि राष्ट्रीय अभिमान” यासाठी काम करेल, असा दावा करण्यात आला आहे. त्याने स्वतःला या काल्पनिक पक्षाचा “संस्थापक पंतप्रधान” असेही संबोधले आहे.

‘कॉकरोच जनता पार्टी’ म्हणजे नेमकं काय?

‘कॉकरोच जनता पार्टी’ ही सुरुवातीला सोशल मीडियावर सुरू झालेली व्यंगात्मक मोहीम होती. बेरोजगारी, पेपरफुटी, शिक्षण व्यवस्था, तरुणांच्या समस्या आणि सरकारी धोरणांविरोधातील नाराजी व्यक्त करण्यासाठी या मोहिमेचा वापर करण्यात आला. पुढे या मोहिमेने सोशल मीडियाबाहेरही काही आंदोलनांचे रूप घेतले.

समर्थक आणि विरोधक आमनेसामने

एल्विश यादवच्या पोस्टनंतर सोशल मीडियावर दोन गट पडले आहेत. त्याचे समर्थक हा संपूर्ण प्रकार केवळ विनोदी व्यंग आणि सोशल मीडिया सटायर असल्याचे सांगत आहेत. तर टीकाकारांच्या मते, बेरोजगारी, पेपरफुटी आणि विद्यार्थ्यांच्या प्रश्नांसारख्या गंभीर विषयांची खिल्ली उडवणे योग्य नाही.

सोशल मीडियावरील ‘राजकारण’ पुन्हा चर्चेत

गेल्या काही दिवसांत ‘कॉकरोच जनता पार्टी’ आणि आता ‘खरगोश जनता पार्टी’मुळे सोशल मीडियावरील व्यंगात्मक राजकारण पुन्हा चर्चेत आले आहे. वास्तविक राजकीय पक्षांशी या मोहिमांचा कोणताही संबंध नसला, तरी तरुणांमध्ये त्यावर मोठ्या प्रमाणात चर्चा सुरू असून मीम्स, पोस्टर्स आणि ऑनलाईन वादविवादांचा पूर आला आहे.

Elvish Yadav Launches ‘Khargosh Janata Party’ in Reply to Cockroach Janata Party

महत्वाच्या बातम्या

• Cyber Fraud : 36 हजार भारतीय सिम कार्ड थेट कंबोडियात सक्रिय; 5,300 सिमद्वारे भारतात सायबर फसवणूक, ईडीची मोठी कारवाई
• Longest serving PM : झालमुरी खाओ, चुनाव जीत जाओ; भारत मंडपम मध्ये मोदींचा मित्र पक्षांना मंत्र!!
• US China : अमेरिकेचा चीनवर आणखी दबाव; अलीबाबा, बायडूसह अनेक दिग्गज कंपन्या ‘लष्कराशी संबंधित’ यादीत
• मोदी सरकारची तपपूर्ती; विरोधकांच्या (बचावासाठी) गाठीभेटी!!