वृत्तसंस्था

वॉशिग्टन डीसी : Donald Trump  अमेरिकेचे राष्ट्राध्यक्ष Donald Trump यांनी भारत-अमेरिका व्यापार संबंधांबाबत पुन्हा एकदा मोठे वक्तव्य केले आहे. भारताने अनेक वर्षे अमेरिकेचा व्यापारात फायदा घेतला, अमेरिकन कंपन्यांवर मोठे आयात शुल्क लादले, मात्र आता परिस्थिती बदलली असून अमेरिका भारतासोबतच्या व्यापारातून मोठी कमाई करत असल्याचा दावा ट्रम्प यांनी केला आहे.Donald Trump

याचवेळी त्यांनी पंतप्रधान Narendra Modi यांचे कौतुक करत, “मोदी माझे चांगले मित्र आहेत आणि भारतासोबत व्यापार करार निश्चित होईल,” असा विश्वास व्यक्त केला.Donald Trump

• OBC समाजातील विद्यार्थ्यांप्रमाणेच मराठा विद्यार्थ्यांनाही शैक्षणिक सवलती; फडणवीस सरकारचा महत्त्वाचा निर्णय

‘मोदी माझे मित्र, करार होणारच’

व्हाईट हाऊसमध्ये पत्रकारांशी संवाद साधताना ट्रम्प म्हणाले की, भारत आणि अमेरिका व्यापार कराराच्या दिशेने पुढे जात आहेत. दोन्ही देशांमध्ये चांगले संबंध असून मोदींसोबतचे वैयक्तिक संबंधही उत्कृष्ट आहेत. त्यामुळे दोन्ही देशांमध्ये करार होण्याबाबत आपण आशावादी असल्याचे त्यांनी सांगितले.

भारतावर शुल्क धोरणाबाबत टीका

ट्रम्प यांनी भारताच्या आयात शुल्क धोरणावरही टीका केली. त्यांनी दावा केला की, भारताने अमेरिकन उत्पादनांवर दीर्घकाळ मोठे शुल्क आकारले. विशेषतः अमेरिकन दुचाकी उत्पादक कंपन्यांना भारतात व्यवसाय करताना अडचणींचा सामना करावा लागला असल्याचे त्यांनी म्हटले.

त्यांनी प्रसिद्ध अमेरिकन दुचाकी कंपनी हार्ले-डेव्हिडसनचा उल्लेख करत, पूर्वी भारतातील उच्च शुल्कांमुळे कंपनीला भारतात उत्पादन केंद्र उभारावे लागले होते, असेही सांगितले.

भारत-अमेरिका व्यापार करार अंतिम टप्प्यात?

दरम्यान, भारत आणि अमेरिका यांच्यातील व्यापार कराराबाबत चर्चा अंतिम टप्प्यात पोहोचल्याची माहिती समोर आली आहे. केंद्रीय वाणिज्य मंत्री Piyush Goyal यांनी अलीकडेच कराराचा पहिला टप्पा जुलैच्या मध्यापर्यंत पूर्ण होण्याची शक्यता व्यक्त केली आहे.

दोन्ही देशांमधील अधिकाऱ्यांमध्ये अलीकडे नवी दिल्ली येथे अनेक फेऱ्यांच्या चर्चा झाल्या असून त्या सकारात्मक आणि रचनात्मक वातावरणात पार पडल्याचे भारताच्या परराष्ट्र मंत्रालयानेही म्हटले आहे.

काही मुद्द्यांवर अद्याप मतभेद

व्यापार कराराच्या चर्चेत प्रगती होत असली तरी काही महत्त्वाच्या मुद्द्यांवर दोन्ही देशांमध्ये अद्याप मतभेद कायम आहेत. अमेरिकेकडून भारतीय वस्तूंवर अतिरिक्त शुल्क लावण्याचा प्रस्ताव चर्चेत असून भारत त्याला विरोध करत आहे.

भारताला आपल्या निर्यातीसाठी अधिक अनुकूल अटी मिळाव्यात आणि प्रतिस्पर्धी देशांच्या तुलनेत प्राधान्य मिळावे, यासाठी भारत सरकार प्रयत्नशील असल्याचेही वृत्त आहे.

राजकीय आणि आर्थिकदृष्ट्या महत्त्वाचे वक्तव्य

ट्रम्प यांचे हे वक्तव्य अशा वेळी आले आहे, जेव्हा भारत आणि अमेरिका यांच्यातील व्यापार कराराबाबतच्या चर्चा निर्णायक टप्प्यात पोहोचल्या आहेत. त्यामुळे त्यांच्या “भारताने अमेरिकेचा फायदा घेतला” या विधानासोबतच “आता आम्ही भारतासोबतच्या व्यापारातून भरपूर कमाई करत आहोत” या दाव्याचीही आंतरराष्ट्रीय पातळीवर चर्चा सुरू झाली आहे.

आता दोन्ही देशांतील चर्चांचा पुढील टप्पा आणि प्रस्तावित व्यापार कराराची अंतिम रूपरेषा काय असणार, याकडे उद्योग क्षेत्र आणि जागतिक बाजारपेठेचे लक्ष लागले आहे.

India Exploited US for Years, Now We Earn: Donald Trump on Trade Deal with Modi

महत्वाच्या बातम्या

• OBC समाजातील विद्यार्थ्यांप्रमाणेच मराठा विद्यार्थ्यांनाही शैक्षणिक सवलती; फडणवीस सरकारचा महत्त्वाचा निर्णय
• पेट्रोलही चालेल, इथेनॉलही! मारुतीची देशातील पहिली फ्लेक्स-फ्युएल वॅगनआर सादर; इंधन खर्चात मोठी बचत होणार
• DMK : ‘२० वर्षांची मैत्री तुटली’; इंडिया आघाडीच्या बैठकीपासून द्रमुक दूर, विरोधकांच्या ऐक्यावर मोठा प्रश्नचिन्ह
• गोल्ड किंग’वर सेबीचा मोठा प्रहार! १५.१५ लाख कोटींच्या महसूल फुगवट्याचा आरोप; समभाग व्यवहारांवर बंदी