वृत्तसंस्था

नवी दिल्ली : Cockroach Janata Party दिल्ली उच्च न्यायालयाने ‘कॉकरोच जनता पार्टी’ (सीजेपी) या व्यंगात्मक डिजिटल गटाच्या एक्स (पूर्वीचे ट्विटर) खात्यावर घालण्यात आलेल्या बंदीप्रकरणी केंद्र सरकार आणि सोशल मीडिया प्लॅटफॉर्म एक्सला नोटीस बजावली आहे. मात्र, न्यायालयाने तत्काळ खाते पुन्हा सुरू करण्यास नकार दिला.Cockroach Janata Party

सीजेपीचे संस्थापक अभिजीत दीपके यांनी दिल्ली उच्च न्यायालयात याचिका दाखल केली होती. केंद्र सरकारने राष्ट्रीय सुरक्षेचा हवाला देत पक्षाचे एक्स खाते बंद केल्याचा आरोप त्यांनी केला आहे.Cockroach Janata Party

• CM Devendra Fadnavis : अर्थखाते सुनेत्रा पवारांकडे जाणार? मुख्यमंत्री देवेंद्र फडणवीसांचे स्पष्ट विधान; चर्चांना दिला पूर्णविराम

या प्रकरणाची सुनावणी न्यायमूर्ती पुरुषेन्द्र कुमार कौरव यांच्या खंडपीठासमोर झाली. न्यायालयाने म्हटले की, या प्रकरणाचे दूरगामी परिणाम होऊ शकतात. त्यामुळे केंद्र सरकारची बाजू ऐकून घेतल्याशिवाय तत्काळ दिलासा देता येणार नाही.

याचिकाकर्त्यांच्या वतीने ज्येष्ठ वकील अखिल सिब्बल यांनी न्यायालयात मांडणी करताना सांगितले की, यापूर्वी अशा प्रकरणांत संपूर्ण खाते बंद करण्याऐवजी केवळ संबंधित पोस्ट हटवण्याचे आदेश देण्यात आले होते. मात्र न्यायालयाने या प्रकरणात काही वेगळे मुद्दे असल्याचे नमूद केले.

न्यायालयाने केंद्र सरकारला चार आठवड्यांत सविस्तर उत्तर दाखल करण्याचे आदेश दिले असून पुढील सुनावणी ६ जुलै २०२६ रोजी होणार आहे. तसेच प्रकरण माहिती तंत्रज्ञान कायद्याच्या कलम ६९अ अंतर्गत करण्यात आलेल्या कारवाईशी संबंधित असल्याचे समोर आले आहे.

दरम्यान, ‘कॉकरोच जनता पार्टी’ हे व्यंगात्मक राजकीय कंटेंटमुळे अलीकडे सोशल मीडियावर मोठ्या प्रमाणात चर्चेत आले होते. या प्रकरणामुळे अभिव्यक्ती स्वातंत्र्य, सोशल मीडिया सेन्सॉरशिप आणि राष्ट्रीय सुरक्षेच्या नावाखाली होणाऱ्या डिजिटल कारवाईवर नव्याने चर्चा सुरू झाली आहे.

Delhi HC Issues Cockroach Janata Party Notice to Centre and X Over Satirical Account Ban

महत्वाच्या बातम्या

• पिंपरी-चिंचवड आणि पुण्यासाठी जलसंधारणाच्या दिशेने मोठे पाऊल; दोन्ही ठिकाणच्या विशेष पथकाला फडणवीस सरकारची मंजुरी
• राष्ट्रवादीच्या नेत्यांमध्ये सत्तेच्या तुकड्यासाठी भांडणे; शिंदे सेनेचे मराठवाड्यात पक्षप्रवेश सोहळे!!
• AI च्या क्षेत्रात गुंतवणुकीसाठी सध्या सर्वोत्तम काळ आणि संधी; AI क्षेत्रात नेतृत्वासाठी महाराष्ट्र सज्ज!!- मुंबई टेक वीक २०२६ चे उद्घाटन
• Amit Shah : ‘घुसखोरांना शोधून भारताबाहेर पाठवणार’; अमित शहांचा मोठा इशारा, सीमासुरक्षेवर केंद्र सरकार अधिक आक्रमक