वृत्तसंस्था

बलौदाबाजार : Chhattisgarh  छत्तीसगडमधील बलौदाबाजार जिल्ह्यातील बकुलाही परिसरात असलेल्या स्पंज आयर्न प्लांटमध्ये झालेल्या स्फोटात आतापर्यंत 6 लोकांचा मृत्यू झाला आहे, तर 5 मजूर गंभीर जखमी झाले आहेत. ढिगाऱ्याखाली आणखी काही लोक दबले असल्याची शक्यता वर्तवली जात आहे. प्राथमिक तपासणीत असे समोर आले आहे की, प्लांटमधील स्फोट तांत्रिक बिघाड किंवा दाबामुळे झाला आहे. सध्या पथक तपास करत आहे.Chhattisgarh

हा स्फोट प्लांटमधील कोळसा भट्टीमध्ये (कोल किल्न) गुरुवारी सकाळी सुमारे 9.40 वाजता झाला. डस्ट सेटलिंग चेंबर (DSC) मध्ये स्फोट झाल्याने गरम कोळसा आणि ढिगारा खाली काम करणाऱ्या मजुरांवर पडला, ज्यामुळे अनेक जण भाजले. स्फोटानंतर दूरवर धुराचे लोट दिसले.Chhattisgarh

• 29 महापौरांच्या नावांचा निर्णय घेणारे बसलेत दावोसला जाऊन; माध्यमांनी 150 + नगरसेवकांना आणले रेस मध्ये!

जखमींना तात्काळ भाटापारा सामुदायिक आरोग्य केंद्र (CSC) आणि स्थानिक रुग्णालयात दाखल करण्यात आले आहे. या घटनेनंतर प्लांट परिसरात एकच गोंधळ उडाला. पोलीस आणि प्रशासनाचे पथक घटनास्थळी पोहोचून बचावकार्यात गुंतले आहे.

जखमींची नावे 1. मोताज अन्सारी (26) सुतार 2. सराफत अन्सारी (32) सुतार 3. साबिर अन्सारी (37) सुतार 4. कल्पू भुईया (51) मदतनीस 5. रामू भुईया 34 मदतनीस

प्लांट सील, व्यवस्थापनाची चौकशी

घटनास्थळी जिल्हाधिकारी दीपक सोनी आणि पोलीस अधीक्षक भावना गुप्ता यांच्यासह जिल्हा प्रशासनाचे पथक उपस्थित आहे. रिअल स्टील प्लांट सील करण्यात आला आहे. प्लांट व्यवस्थापनाची चौकशी सुरू आहे. तसेच, 5 जखमींना बिलासपूर बर्न ट्रॉमा सेंटरमध्ये रेफर करण्यात आले आहे.

स्पंज आयर्न प्लांटबद्दल जाणून घ्या

स्पंज आयर्न प्लांटमध्ये लोहखनिजापासून (Iron Ore) स्पंज आयर्न तयार केले जाते. ही प्रक्रिया डायरेक्ट रिडक्शन तंत्रज्ञानाने होते, ज्यात कोळसा किंवा वायूच्या मदतीने खनिजातून ऑक्सिजन काढले जाते. यापासून तयार झालेले स्पंज आयर्न पुढे स्टील बनवण्यासाठी कच्चा माल म्हणून वापरले जाते, जे स्टील प्लांटमध्ये पाठवले जाते.

Chhattisgarh Steel Plant Blast: 6 Killed, 5 Injured in Baloda Bazar

महत्वाच्या बातम्या

• 29 महापौरांच्या नावांचा निर्णय घेणारे बसलेत दावोसला जाऊन; माध्यमांनी 150 + नगरसेवकांना आणले रेस मध्ये!!
• Assam Violence : आसामच्या कोकराझारमध्ये सेना तैनात; बोडो, आदिवासी समूहांमधील संघर्षात 2 जणांचा मृत्यू झाला होता
• 29 महापौरांच्या नावांचा निर्णय म्हणायला “महायुतीचे नेते” घेणार, प्रत्यक्षात त्यात अजितदारांचा सहभाग नगण्य; फडणवीस आणि शिंदेच निर्णायक!!
• Sunita Williams : अंतराळवीर सुनीता विल्यम्स म्हणाल्या- भारतात येणे म्हणजे घरी परतल्यासारखे; चंद्रावर जाण्याची व्यक्त केली इच्छा