नाशिक : अजितदादांच्या स्मारक संग्रहालयावरून त्यांच्या दोन मुलांमध्ये वाद, की वादाच्या निमित्ताने दोन शहरांमध्ये दोन संग्रहालये बांधायचा घाट??, असा सवाल समोर आलाय. Ajit Pawar

अजितदादांच्या अकाली एक्झिट नंतर त्यांच्या कर्मभूमीत म्हणजे बारामतीतच त्यांच्या स्मृतींचे संग्रहालय बांधावे, असे मत अजित पवारांचा थोरला मुलगा पार्थ पवार याने व्यक्त केले, तर अजित पवारांचे पुण्यावर प्रेम होते पुण्याचा विकास आराखडा तयार करण्यात त्यांचे योगदान होते त्यामुळे त्यांचे स्मृती संग्रहालय पुण्यात बांधावे असे मत जय पवार याने व्यक्त केले. त्यामुळे अजितदादांच्या स्मृती संग्रहालयाच्या मुद्द्यावरून दोन भावांमध्ये मतमतांतरे आणि मतभेद झाल्याची बातमी एनडीटीव्ही मराठीने दिली.

• जलसंपदा प्रकल्प पूर्ण करण्यासाठी नाबार्ड कडून 15000 कोटींच्या कर्जासह फडणवीस सरकारचे अनेक महत्त्वाचे निर्णय

– सगळे काही पवारांच्याच कब्जात

पण पवारांच्या घरातले मतभेद आणि मतमतांतरे याचे रूपांतर पवारांच्याच वेगळ्या प्रकारच्या कब्जात होते, हा आतापर्यंतचा राजकीय अनुभव आहे. बारामतीत ज्यावेळी निवडणूक लढवायची वेळ आली त्यावेळी अजित पवारांनी बाकी कुणाला नावे तर सुनेत्रा पवार यांनाच निवडणूक लढवण्यासाठी पुढे केले त्यामुळे बारामतीच्या खासदार पदी कोणीही निवडून येवो, खासदार पवार घराण्यातल्याच होईल हे या निमित्ताने पाहिले गेले. त्याचेच रिपीटेशन विधानसभा निवडणुकीत झाले अजित पवार आणि युगेंद्र पवार अशी लढत झाली. या लढतीत अजित पवार जिंकले पण युगेंद्र पवार जिंकले असते, तरी बारामतीची आमदारकी पवारांच्याच घरात राहिली असती. आता सुद्धा अजित पवारांच्या अकाली एक्झिट नंतर राष्ट्रवादीचे नेतृत्व कुणाकडे द्यायचे??, त्यासाठी विलीनीकरण करायचे आणि सुप्रिया सुळे यांचे नेतृत्व पुढे सरकवायचे असा डाव शरद पवारांच्या गोटाने खेळला. पण सुनेत्रा पवारांचे नेतृत्व पुढे आले किंबहुना ते आणले गेले. त्यातून सुद्धा पवारांच्याच घरात नेतृत्व गेले ते इतरांच्या पैकी कुणाकडेही गेले नाही.

– मतभेदांच्या नावाखाली दोन संग्रहालये

पवारांच्या राजकारणाचे हे तीन ताजे अनुभव पाहता, अजित पवारांच्या स्मृती संग्रहालयावरून दोन भावांमध्ये मतभेद असल्याचे दाखवले गेले तरी या मतभेदाच्या नावाखाली पुणे आणि बारामती अशा दोन्ही ठिकाणी अजित पवारांचे स्मृती संग्रहालय बांधायचा घाट तर घातला जात नाही ना??, असा संशय राजकीय वर्तुळातून कुणी व्यक्त करत असल्यास तो अगदीच अनाठायी म्हणता येणार नाही. उलट या वादाचे निमित्त करून अजित पवारांच्या स्मृती संग्रहालयाचा विषय सार्वजनिक पातळीवर चर्चा ठेवायचा आणि राजकीय वर्तुळातूनच दोन संग्रहालय बांधण्यासाठी सरकारवर दबाव आणायचा असले राजकारण यातून पवार कुटुंब खेळत असण्याचीही दाट शक्यता आहे.

Ajit Pawar museum in Pune and Baramati??

महत्वाच्या बातम्या

• धर्माच्या आचरणातूनच मानवजातीचे कल्याण; णमोकार तीर्थक्षेत्री पंचकल्याणक प्रतिष्ठा सोहळ्यात सरसंघचालकांचे प्रतिपादन
• Cyber Fraud : सुप्रीम कोर्टाने ₹54000 कोटींच्या सायबर फसवणुकीला दरोडा-लूट म्हटले; ही रक्कम अनेक राज्यांच्या अर्थसंकल्पापेक्षाही जास्त
• जलसंपदा प्रकल्प पूर्ण करण्यासाठी नाबार्ड कडून 15000 कोटींच्या कर्जासह फडणवीस सरकारचे अनेक महत्त्वाचे निर्णय
• Manipur Violence : मणिपूरच्या लितानमध्ये हिंसाचार उसळला, 25 घरे जाळली; दंगलखोरांनी रायफलींनी गोळीबारही केला