विशेष प्रतिनिधी

बुलढाणा : Mahadev Jankar राष्ट्रीय समाज पक्षाचे प्रमुख महादेव जानकर यांनी आज बुलढाणा येथे बोलताना ‘देशात मतचोरी होत आहे’ या विरोधकांच्या आरोपाला पाठिंबा दिला. या मुद्द्यावर त्यांनी मनसे अध्यक्ष राज ठाकरे यांच्या भूमिकेशी आपण सहमत असल्याचे स्पष्ट मत व्यक्त केले. तसेच, शेतकऱ्यांच्या मागण्या पूर्ण होत नसल्यास शेतकऱ्यांनी संपावर जावे, असे आवाहनही त्यांनी केले.Mahadev Jankar

महादेव जानकर यांनी यावेळी मतचोरी आणि बोगस मतदारांच्या मुद्द्यावरून सरकार व निवडणूक आयोगावर जोरदार हल्लाबोल केला. देशात आणि राज्यात मतचोरी होत असल्याचा विरोधकांचा आरोप सत्य आहे आणि मी त्याच्याशी सहमत आहे, असे त्यांनी ठामपणे सांगितले. मला स्वतःला मतचोरीचा अनुभव आलेला आहे. निवडणूक आयोग ही एक स्वायत्त संस्था असूनही या गंभीर विषयावर गप्प का आहे?, असा सवालही त्यांनी उपस्थित केला. मतचोरी आणि बोगस मतदारांच्या बाबतीत राज ठाकरे यांच्या भूमिकेशी आपले पूर्ण सहमत असल्याचे त्यांनी स्पष्ट केले.Mahadev Jankar

• धाराशिव मधल्या अतिवृष्टीग्रस्तांना मदत देऊन एकनाथ शिंदे यांच्या शिवसेनेची दिवाळी साजरी!!

शेतकऱ्यांच्या प्रश्नावर आक्रमक भूमिका

कृषिप्रधान देशात जर शेतकऱ्यांच्या मागण्या मान्य होत नसतील, तर सर्व शेतकऱ्यांनी संपावर जावे, असे थेट आवाहन जानकर यांनी केले. सध्या राज्यात कर्जमाफीच्या मुद्द्यावरून शेतकरी आक्रमक आहेत. त्याचप्रमाणे, अतिवृष्टी आणि पुरामुळे नुकसान झालेल्या शेतकऱ्यांना सरकारने दिलेली मदत तुटपुंजी असल्याबद्दल शेतकरी आणि विरोधकांनी टीका केली आहे. या पार्श्वभूमीवर जानकर यांनी केलेली ही मागणी महत्त्वाची मानली जात आहे.

पंकजा मुंडेंबाबत स्पष्टीकरण

यावेळी महादेव जानकर यांना पंकजा मुंडे यांच्याबद्दल प्रश्न विचारला असता, त्यांनी राजकीय भूमिका स्पष्ट केली. पंकजा मुंडे या जरी माझ्या बहिणी असल्या तरी त्यांचा पक्ष आणि माझा पक्ष वेगळा आहे. आमचे नाते राजकारणाच्या पलीकडचे आहे. त्यामुळे त्यांच्या पुनर्वसनासाठी प्रयत्न करण्याचा प्रश्नच येत नाही, असे स्पष्टीकरण जानकर यांनी दिले.

Rashtriya Samaj Paksha Chief Mahadev Jankar Supports Opposition’s ‘Vote Theft’ Claim; Says He Agrees with Raj Thackeray on Bogus Voters Issue

महत्वाच्या बातम्या

• Rajnath Singh : राजनाथ म्हणाले- ऑपरेशन सिंदूर हा फक्त एक ट्रेलर होता; लखनौहून ब्रह्मोस क्षेपणास्त्रांची पहिली खेप रवाना
• Delhi High Court : दिल्ली हायकोर्टाची टिप्पणी- सक्षम जोडीदाराला पोटगी देता येत नाही, ते न्यायाचे साधन, लोकांना श्रीमंत बनवण्याचे नाही
• धाराशिव मधल्या अतिवृष्टीग्रस्तांना मदत देऊन एकनाथ शिंदे यांच्या शिवसेनेची दिवाळी साजरी!!
• Dhaka Airport : ढाका आंतरराष्ट्रीय विमानतळावर आग, सर्व उड्डाणे थांबवली; कार्गो क्षेत्र जळून खाक, परिसरात विषारी वायू पसरण्याचा धोका