वृत्तसंस्था

नवी दिल्ली : Red Fort Bomb Blast  देशाची राजधानी दिल्लीला हादरवून टाकणाऱ्या रेड फोर्ट परिसरातील कार बॉम्बस्फोट प्रकरणात NIA ने ७५०० पानांचे आरोपपत्र दाखल केले आहे. दिल्लीतील पटियाला हाऊस येथील NIA विशेष न्यायालयात दाखल केलेल्या या आरोपपत्रात १० आरोपींच्या नावांचा समावेश करण्यात आला आहे. हे प्रकरण देशाविरुद्ध रचलेल्या एका मोठ्या दहशतवादी कटाचे असल्याचे सांगितले जात आहे.Red Fort Bomb Blast

या स्फोटात ११ लोकांचा मृत्यू झाला होता, तर अनेक जण जखमी झाले होते. १० नोव्हेंबर २०२५ रोजी झालेल्या या उच्च-तीव्रतेच्या स्फोटामुळे दिल्लीत मोठ्या प्रमाणावर नुकसान झाले होते. NIA ने सांगितले की सर्व आरोपी दहशतवादी संघटना सार गजवत-उल-हिंद आणि अल-कायदा इन इंडियन सबकॉन्टिनेंट (AQIS) शी संबंधित होते.Red Fort Bomb Blast

• CM Devendra Fadnavis : सर्व मंत्र्यांच्या ताफ्यातील गाड्या कमी करणार; CM फडणवीस यांची घोषणा; नितीन गडकरी बसने प्रवास करणार

मुख्य आरोपी अल-फलाह विद्यापीठाचा प्राध्यापक

NIA ने नवी दिल्लीतील पटियाला हाऊस कोर्टातील विशेष न्यायालयात आरोपपत्र दाखल केले आहे. आरोपपत्रात मुख्य आरोपी, पुलवामा येथील रहिवासी डॉ. उमर उन नबी याचेही नाव आहे, ज्याचा मृत्यू झाला आहे. तो हरियाणातील फरिदाबाद येथील अल-फलाह विद्यापीठात सहाय्यक प्राध्यापक होता.

इतर आरोपींमध्ये आमिर रशीद मीर, जासिर बिलाल वानी, डॉ. मुजम्मिल शकील, डॉ. आदिल अहमद राठर, डॉ. शाहीन सईद, मुफ्ती इरफान अहमद वागे, सोयब, डॉ. बिलाल नसीर मल्ला आणि यासिर अहमद डार यांचा समावेश आहे.

NIA नुसार, तपास जम्मू-काश्मीर, हरियाणा, उत्तर प्रदेश, महाराष्ट्र, गुजरात आणि दिल्ली-NCR पर्यंत पसरलेला होता. एजन्सीने 588 साक्षीदारांचे जबाब, 395 हून अधिक कागदपत्रे आणि 200 हून अधिक जप्त केलेल्या वस्तू पुरावा म्हणून समाविष्ट केल्या आहेत.

आरोपी कट्टरपंथी विचारसरणीने प्रभावित झालेले वैद्यकीय व्यावसायिक होते

एनआयएच्या तपासात समोर आले की काही आरोपी कट्टरपंथी विचारसरणीने प्रभावित झालेले वैद्यकीय व्यावसायिक होते. 2022 मध्ये श्रीनगरमध्ये झालेल्या एका गुप्त बैठकीत त्यांनी “AGuH Interim” नावाच्या संघटनेला पुन्हा सक्रिय केले आणि “ऑपरेशन हेवनली हिंद” सुरू केले होते.

आरोपींनी नवीन सदस्यांची भरती, शस्त्रास्त्रांचा साठा आणि मोठ्या प्रमाणावर स्फोटके तयार केली होती. एजन्सीने सांगितले की, स्फोटात वापरलेले TATP स्फोटक आरोपींनी स्वतः तयार केले होते. यासाठी रसायने आणि उपकरणे ऑनलाइन आणि ऑफलाइन माध्यमातून जमा करण्यात आली होती.

तपासात असेही समोर आले की, आरोपी AK-47, क्रिन्कोव्ह रायफल आणि इतर शस्त्रे गोळा करण्यासोबतच ड्रोन आणि रॉकेट-आधारित IED वरही प्रयोग करत होते. IA ने आतापर्यंत या प्रकरणात 11 लोकांना अटक केली आहे. फरार आरोपींच्या शोधात एजन्सी तपास सुरू ठेवत आहे.

10 नोव्हेंबर 2025 च्या संध्याकाळी दिल्ली हादरली होती

दिल्लीच्या ऐतिहासिक लाल किल्ल्याच्या परिसरात 10 नोव्हेंबर 2025 च्या संध्याकाळी अचानक एक जोरदार स्फोट झाला होता. स्फोट इतका भीषण होता की, आजूबाजूला उभ्या असलेल्या गाड्यांच्या काचा फुटल्या होत्या. अनेक दुकाने आणि इमारतींचेही नुकसान झाले होते. या स्फोटात 11 लोकांचा मृत्यू झाला होता, तर अनेक लोक गंभीर जखमी झाले होते.

सुरुवातीच्या तपासातच तपास यंत्रणांना संशय आला होता की हा काही साधा स्फोट नसून, उच्च-तीव्रतेचा VBIED हल्ला होता. घटनेनंतर संपूर्ण दिल्ली-NCR मध्ये हाय अलर्ट घोषित करण्यात आला होता. देशातील अनेक सुरक्षा यंत्रणा आणि फॉरेन्सिक पथके घटनास्थळी पोहोचली होती. नंतर या प्रकरणाचे गांभीर्य लक्षात घेऊन तपास राष्ट्रीय तपास यंत्रणा (NIA) कडे सोपवण्यात आला होता.

Red Fort Bomb Blast: NIA Files 7,500-Page Chargesheet Against 10 Accused

महत्वाच्या बातम्या

• डोनाल्ड ट्रम्प चीन भेटीवर; त्याचवेळी रशियाचे परराष्ट्रमंत्री आणि इराणचे परराष्ट्रमंत्री भारत भेटीवर!!
• पार्थ पवारांच्या जमीन घोटाळ्यातली बॉटनिकल गार्डनची जमीन अखेर सरकारकडून पुण्यातील नदी पुनरुज्जीवन प्रकल्पासाठी मोफत!!
• सुनेत्रा पवारांची राजकीय वाटचाल ममता बॅनर्जी आणि एम. के. स्टालिन यांच्याच दिशेने; मग परिणाम काय होईल?
• Amul : अमूल दूध प्रति लिटर ₹2 महागले; पाठोपाठ मदर डेअरीचीही दरवाढ, नवीन दर आजपासून लागू