विशेष प्रतिनिधी

पुणे : महायुती होवो न होवो, पुण्यात मात्र शिंदे सेना आणि पतित पावन संघटना यांनी युती केली. त्यामुळे भाजप आणि अजितदादांच्या संघर्षात एकनाथ शिंदे यांच्या शिवसेनेला पतित पावन संघटनेची एक नवी ताकद मिळाली. मधल्या मध्ये एकनाथ शिंदे यांनी बेरजेचे राजकारण करून घेतले. Alliance of Shinde Sena

शिवसेना आणि पतित पावन संघटना यांच्या विद्यमाने आयोजित करण्यात आलेल्या मेळाव्यास काल उपस्थित राहून एकनाथ शिंदे यांनी आगामी स्थानिक स्वराज्य संस्थांच्या निवडणुकीच्या पार्श्वभूमीवर शिवसेना आणि पतित पावन संघटनेचा युतीची घोषणा केली. भगव्या एकतेचा हा क्षण ऐतिहासिक असल्याचे नमूद करत जो हिंदुत्व विसरला, तो स्वतः ला विसरला आणि जो स्वतःला विसरला, तो देश विसरला व जो देश विसरला, तो अस्तित्व विसरला अशी घणाघाती टीका याप्रसंगी केली.

• नक्षलग्रस्त गडचिरोलीत विकासाची पेरणी; उद्योग, शिक्षण आणि रोजगाराच्या सोबतच आरोग्य क्रांती!!

पतित पावन संघटनेने हिंदू संस्कृती आणि सावरकरांचा विचार जिवंत ठेवला आहे. वंदनीय हिंदुहृदयसम्राट शिवसेनाप्रमुख बाळासाहेब ठाकरे यांनी शिवसेना मराठी माणूस आणि हिंदुत्वासाठी उभी केली. आज हे दोन प्रवाह एकत्र आले म्हणजे भगवा रंग आणखी गडद झाला असल्याचे मत यावेळी व्यक्त केले. हिंदुत्व विसरून जे लोक सत्ता मिळवण्यासाठी विचारधारेशी तडजोड करतात, पाकिस्तानचे झेंडे फडकवणाऱ्यांसोबत बसतात, ते आता हिंदुत्व शिकवायला निघाले आहेत. हेच दुर्दैव आहे. आमचं हिंदुत्व मात्र खुर्ची दिसली की बदलणारे नाही. सत्ता-खुर्ची ही मोह-माया आहे, पण भगवा हा श्रद्धा आहे! जो भगवा विसरतो, तो महाराष्ट्र विसरतो, असे शिंदे यांनी यावेळी निक्षून सांगितले.

याप्रसंगी उद्योग मंत्री उदय सामंत, विधान परिषदेच्या उपसभापती डॉ.नीलम गोऱ्हे, पर्यटन मंत्री शंभूराज देसाई, गृह राज्यमंत्री योगेश कदम, खासदार श्रीरंग बारणे, शहरप्रमुख नाना भानगिरे, नितीन गिरमे, प्रांताध्यक्ष सोपानराव देशमुख, प्रांत सरचिटणीस नितीन सोनटक्के, राजा पाटील, श्रीमंत शिळीमकर, गोकुळ शेलार उपस्थित होते.

Alliance of Shinde Sena + Pati Pavan in Pune

महत्वाच्या बातम्या

• Delhi Airport, : दिल्ली विमानतळावर सायबर हल्ल्याचा संशय; NSA ऑफिसमधील मीटिंगनंतर उच्चस्तरीय चौकशी सुरू
• बिहारमध्ये नड्डा यांच्या समवेत एकनाथ शिंदेंचा प्रचाराचा डंका; NDA च्या रेकॉर्डब्रेक सभा
• Kathmandu : दिल्लीनंतर काठमांडू विमानतळावर तांत्रिक बिघाड; सायंकाळी 5:30 वाजल्यापासून विमानसेवा थांबली; 100 आंतरराष्ट्रीय उड्डाणांवर परिणाम
• Kupwara : जम्मू-काश्मीरच्या कुपवाडात 2 दहशतवादी ठार; घुसखोरी करण्याचा प्रयत्न करत होते; शोध मोहिमेदरम्यान सुरक्षा दलांवर गोळीबार