विशेष प्रतिनिधी

मुंबई : धनंजय मुंडे यांनी आपल्या हत्येचा कट रचल्याचा आरोप मनोज जरांगे यांनी केला पण जरांगे यांच्या या आरोपाला धनंजय मुंडे यांनी लगेच प्रत्युत्तर देऊन तो खोडून काढला. त्यांनी जरांगे यांच्यावर प्रत्यारोप केला. त्यामुळे या सगळ्या प्रकरणात नेमका आरोप खरा कुणाचा??, असा सवाल समोर आला. Manoj Jarange and Dhananjay Munde

धनंजय मुंडे यांनी माझ्या विरोधात षडयंत्र रचण्याचे काम केले. मला मारण्यासाठी 2.5 कोटींची डील झाली, असा गंभीर आरोप मनोज जरांगेंनी केला. मनोज जरांगे यांच्या हत्येचा कट रचण्यात आल्याची माहिती समोर आल्याने महाराष्ट्रात एकच खळबळ उडाली आहे. त्यातच मनोज जरांगे पाटील यांनी पत्रकार परिषद घेत माजी मंत्री धनंजय मुंडे यांच्यावर गंभीर आरोप केला. धनंजय मुंडे यांनी माझ्या विरोधात षडयंत्र रचण्याचे काम केले. मला मारण्यासाठी अडीच कोटींची डील झाली. भाऊबीजेच्या दिवशी ही बैठक झाली होती, असा आरोप मनोज जरांगे यांनी केला.

मनोज जरांगे यांच्या आरोपानंतर धनंजय मुंडे यांनी पत्रकार परिषद घेत माजी आणि जरांगे यांची ब्रेन टेस्ट करा, या प्रकरणाची सीबीआयने चौकशी करावी, अशी मागणी केली.

धनंजय मुंडे म्हणाले की, गेली 30 वर्ष मी सामाजिक आणि राजकीय जीवनात आहे. स्वर्गीय गोपीनाथ मुंडे आणि अण्णांनी जात पात पाहायची नाही, असे शिकवले. मी आजवर कधीही जात पाहून काम केले नाही. मी माझ्या पहिल्या बैठकीत मराठा समाजाला आरक्षण मिळावे, असा ठराव मी मांडला. मराठा समाजाच्या प्रत्येक आंदोलनात मी सहभागी होतो. लोकसभा निवडणुकीनंतर जरांगे यांच्या आंदोलनासाठी मी परळीत मदत केली. मेटे, संभाजी महाराज यांच्यासोबत मी आरक्षणासाठी काम केले.

• BJP Appoints ; आगामी स्थानिक स्वराज्य संस्थांच्या निवडणुकीची तयारी; भाजपकडून सर्व जिल्ह्यांचे निवडणूक प्रमुख नियुक्त

– जरांगेंना वाटतंय, धनंजय मुंडे या पृथ्वीतलावरच नसावेत

मी 5 वर्ष विरोधी पक्षनेता म्हणून मी काम केले. त्यावेळी मी मराठा आरक्षणासाठी सभागृह बंद केले. नगर जिल्ह्यात कोपर्डीला मी पहिली भेट दिली. यावेळी मी आरोपी अटक होईपर्यंत सभागृह चालू दिले नाही. 80 हजार कुणबी प्रमाणात बीड जिल्ह्यात वाटले. मी मनोज जरांगे यांचे उपोषण देखील सोडवले आहे. 17 तारखेची सभा सोडली तर मी एकदाही त्यांच्यावर कधीही आरोप केले नाहीत. मनोज जरांगे यांना वाटते की, धनंजय मुंडे या पृथ्वीतलावरच नसावेत. मराठा समाजाला ओबीसी की ईडब्ल्यूएसमधून फायदा आहे याचे उत्तर आतापर्यंत जरांगे यांनी दिले नाही, असे धनंजय मुंडे म्हणाले.

– माझी आणि जरांगेंची ब्रेन मॅपिंग टेस्ट करा

धनंजय मुंडे पुढे म्हणाले की, आता तयार झालेली पिलावळ कोणाची आहे. आम्हाला कोणीही काही बोलले तरी आम्ही गप्प बसतो. मला तर तलवार घेऊन मारायाला आले होते. ईडब्ल्यूएस की ओबीसीमध्ये जास्त आरक्षण मिळते हे समोरासमोर येऊन होऊन जाऊ द्या. तुम्ही हाके, वाघमारे यांना मारलं. तुमची मारामारीची प्रवृत्ती आहे. तुम्ही ओबीसींच्या आरक्षणाला धक्का लाऊ नका, इतकेच आमचे म्हणणे आहे. मी अनेकांना बाजूला जाऊन भेटतो, यातून काय कट रचला जातो? हे सगळे तुमचे कार्यकर्ते आहेत. माझी अशी इमेज तयार केली जात आहे. या सर्व प्रकरणाची चौकशी सीबीआयने केली पाहिजे. माझी ब्रेन मॅपिंग, नार्को टेस्ट करा. जरांगे आणि आरोपींचीही करा, अशी मागणी त्यांनी यावेळी केली.

A series of accusations and counter-accusations between Manoj Jarange and Dhananjay Munde

महत्वाच्या बातम्या

• High Court, : हायकोर्टाने म्हटले- मतदान स्वातंत्र्य अन् मतदान हक्क वेगवेगळे; यादी पुनरावलोकनाच्या वेळी मतदार म्हणून नोंदणीचा हक्क
• Badrinath Dham : बद्रीनाथ धाममध्ये बर्फवृष्टी, तापमान शून्यावर; भाविकांची गर्दी, 15.90 लाख लोकांनी घेतले दर्शन
• RBI : व्याजदरात 0.50% कपातीची शक्यता; महागाई घटल्याने निर्णयाचा अंदाज, RBIची डिसेंबरमध्ये बैठक
• Kishtwar : जम्मू-काश्मीरच्या किश्तवाडमध्ये चकमक, दहशतवाद्यांच्या गोळीबारात एक जवान जखमी